வத்திக்குச்சியை பற்றவைத்த ரசிகர்களால் பரபரப்பு; தீனா ரீ-ரிலீஸில் சம்பவம்.!

கடந்த 2001ம் ஆண்டு நடிகர்கள் அஜித் குமார், லைலா, சுரேஷ் கோபி, ஷியாம் கணேஷ், நக்மா, ஸ்ரீமான், மகாநதி சங்கர், சம்பத் உட்பட பலர் நடிக்க வெளியான திரைப்படம் தீனா (Dheena). 

இப்படம் ஏ.ஆர் முருகதாஸ் இயக்கத்தில், யுவன் சங்கர் ராஜா இசையில் வெளியாகி மிகப்பெரிய வெற்றியை அடைந்தது. இப்படத்தின் வாயிலாக நடிகர் அஜித்துக்கு தனிப்பெரும் கூட்டம் ரசிகர் பட்டாளமாக கிடைத்தது.

கடந்த 14 ஜனவரி 2001 அன்று திரையரங்கில் பொங்கல் பண்டிகையை முன்னிட்டு வெளியிடப்பட்ட தீனா திரைப்படம், இன்று அஜித் குமாரின் பிறந்தநாளை முன்னிட்டு பல திரையரங்கில் ரீ ரிலீஸ் செய்யப்பட்டது. 

இந்நிலையில், சென்னையில் உள்ள தனியார் திரையரங்கில் படம் பார்க்க சென்ற அஜித் ரசிகர்கள், திரையரங்குக்குள் பட்டாசை வெடிக்க செய்தனர். இதன் வீடியோ வெளியாகி வைரலாகி வருகிறது. 

இந்த செயலுக்கு கண்டனமும் குவிந்து வருகிறது.