நம்ப ஆட்டம் இனி வேற மாதிரி.. பீஸ்ட் படக்குழு வெளியிட்ட அசத்தலான அறிவிப்பு! உச்சகட்ட மகிழ்ச்சியில் ரசிகர்கள்!!

தமிழ் சினிமாவில் எக்கச்சக்கமான சூப்பர் ஹிட், பிளாக்பஸ்டர் படங்களில் நடித்து பிரபல முன்னணி நட்சத்திரங்களில் ஒருவராக வலம் வருபவர் தளபதி விஜய். இவர் தற்போது நெல்சன் திலீப்குமார் இயக்கத்தில் நடித்துள்ள திரைப்படம் பீஸ்ட். இந்த படத்தில் பூஜா ஹெக்டே, செல்வராகவன், ரெடின் கிங்ஸ்லி, அபர்ணா தாஸ் மற்றும் பலர் முக்கிய கதாபாத்திரத்தில் நடித்துள்ளனர்.

இந்தப் படத்தை சன் பிக்சர்ஸ் நிறுவனம் தயாரித்துள்ளது. இப்படத்திற்கு அனிருத் இசையமைத்துள்ளார். இந்தப் படத்துக்கு தணிக்கைத்துறை யு/ஏ சான்றிதழ் அளித்துள்ளது. பீஸ்ட் திரைப்படம் வருகின்ற ஏப்ரல் 13ஆம் தேதி வெளியாகும் என அறிவிக்கப்பட்டுள்ளது. பீஸ்ட் திரைப்படத்தின் ஒவ்வொரு அப்டேட்டிற்காகவும் ரசிகர்கள் வெறித்தனமாக காத்திருக்கின்றனர்.

இந்நிலையில் பீஸ்ட் திரைப்படத்தின் டிரைலர் ஏப்ரல் 2ஆம் தேதி மாலை 6 மணிக்கு வெளியாகவுள்ளதாக அதிகாரப்பூர்வமான அறிவிப்பு வெளியாகியுள்ளது. இதனை சன் பிக்சர்ஸ் நிறுவனம் தனது டுவிட்டர் பக்கத்தில் “நம்ம ஆட்டம் இனிமே வேற மாதிரி இருக்கும்” என்று பதிவிட்டு வெளியிட்டுள்ளது. இதனை தளபதி ரசிகர்கள் கொண்டாடி வருகின்றனர்.