அப்பறமென்ன நீங்களும் கிளம்புங்க.. முதன்முறையாக பிக்பாஸ் கொடுத்த அட்டகாசமான சான்ஸ்! நம்ம ராஜு பாய் கூறியதை கேட்டீங்களா!!

தமிழ், ஹிந்தி, தெலுங்கு, கன்னடம், மலையாளம் என பல மொழிகளிலும் ஒளிப்பரப்பாகி ரசிகர்கள் மத்தியில் அமோக வரவேற்பை பெற்ற நிகழ்ச்சி பிக்பாஸ். இந்த நிகழ்ச்சிக்கு என ஏராளமான ரசிகர்கள் பட்டாளமே உள்ளது. தமிழில் விஜய் தொலைக்காட்சியில் ஒளிபரப்பாகி வந்த பிக்பாஸ் நிகழ்ச்சியில் இதுவரை ஐந்து சீசன்கள் முடிவடைந்துள்ளது. அதனை உலகநாயகன் கமல்ஹாசன் தொகுத்து வழங்கி வந்தார். 

இந்த நிலையில் சமீபகாலமாக பிக்பாஸ் சீசன் 6 வரும் அக்டோபர் மாதம் தொடங்க உள்ளதாகவும், அதற்கான பணிகள் தீவிரமாக நடைபெற்று வருவதாகவும் தகவல்கள் வெளிவந்த வண்ணம் இருந்தது. மேலும் பிக்பாஸ் நிகழ்ச்சியில் கலந்து கொள்ள உள்ளதாக பல பிரபலங்களின் பெயர்களும் அடிபட்டது.

இந்த நிலையில் தற்போது பிக்பாஸ் சீசன் 6 குறித்த ப்ரொமோ வெளியாகியுள்ளது. அதில் இந்த சீசனில் பிரபலங்கள் மட்டுமல்லாமல் சாமானிய மக்களும் கலந்து கொள்ளலாம் எனவும், அதற்கான வழிமுறைகள் குறித்தும் தெரிவிக்கப்பட்டுள்ளது. இதனை பிக்பாஸ் 5 ன் வெற்றியாளரான ராஜு அசத்தலாக என்ட்ரி கொடுத்து கூறியுள்ளார். அந்த ப்ரமோ வைரலாகி வருகிறது.