அப்பறம் அவ்ளோதான்.. சோழர்களுக்கு எச்சரிக்கை விடும் பாண்டியர்கள்! வைரலாகும் ஜாலியான பேனர்!!

மணிரத்னம் இயக்கத்தில் மிகவும் பிரம்மாண்டமாக உருவான திரைப்படம் பொன்னியின் செல்வன். இந்த திரைப்படம் நேற்று உலகம் முழுவதும் மிகவும் பிரம்மாண்டமாக வெளியாகி ரசிகர்கள் மத்தியில் பெரும் வரவேற்பு பெற்று வருகிறது. சோழர்களின் பெருமையை பேசும் இப்படத்தை ரசிகர்கள் கொண்டாடி வருகின்றனர்.

நீண்டகால போராட்டத்திற்கு பிறகு பல தடைகளை தாண்டி உருவான இப்படம் சோழர்களுக்கும் பாண்டியர்களுக்கும் இடையே நடக்கும் சண்டை குறித்த படமாகும். இதில் விக்ரம், ஜெயம் ரவி, கார்த்தி, திரிஷா, ஐஸ்வர்யா ராய், பிரகாஷ்ராஜ், ஜெயராம் உள்ளிட்ட பல பிரபலங்களும் நடித்துள்ளனர்.

இந்த நிலையில் பாண்டிய நாடாக உள்ள மதுரையில் பகை மறவா பாண்டியர்களின் வாரிசுகள் என்ற பெயரில் ஜாலியாக பெரிய பேனர் ஒன்று அடிக்கப்பட்டுள்ளது. அதில், சோழர்களே.. பாண்டிய நாட்டிற்கு வந்தோமா, மதுரை மீனாட்சியை கும்பிட்டோமா, தியேட்டரில் படத்தை ஓட்டினோமா, பரோட்டாவை திண்டோமானு போய்க்கிட்டே இருக்கணும். அத விட்டுட்டு மறுபடியும் எசக்கு பிசக்கா ஏதாவது பண்ணனும்னு நினைச்சீங்க.. அவ்ளோதான் என நகைச்சுவையாக எச்சரிக்கை விடுத்துள்ளனர்.