75 நாட்களை கடந்து வெற்றிகரமாக திரையரங்களில் ஓடும் இறுகப்பற்று: படக்குழு மகிழ்ச்சி.!

யுவராஜ் தயாளன் இயக்கத்தில், விக்ரம் பிரபு, சர்தா ஸ்ரீநாத், விதார்த், சானியா அய்யப்பன், அபர்நிதி, ஸ்ரீ உட்பட பலர் நடித்து அக்டோபர் ஆறாம் தேதி திரையரங்கில் வெளியான திரைப்படம் இறுகப்பற்று. 

காதல் பின்னணியில் வெளியான திரைப்படத்திற்கு ஜஸ்டின் பிரபாகரன் இசையமைத்திருந்தார். இப்படம் ரசிகர்கள் மத்தியில் நல்ல வரவேற்பு பெற்று திரையரங்குகளில் ஓடிவரும் நிலையில், கிட்டத்தட்ட 75 நாட்களைக் கடந்தும் இப்படம் திரையிடப்பட்டு வருகிறது. 

சென்னையில் உள்ள பிவிஆர் மால் மற்றும் எஸ்கேப் ஆகிய திரையரங்குகளில் இப்படம் ரசிகர்களின் ஆதரவை பெற்று தொடர்ந்து திரையிடப்படுகிறது. இதனால் படக்குழு மகிழ்ச்சி அடைந்துள்ளது.