காந்தாரா 2 திரைப்படம் ரிலீஸ் தேதி அதிகாரப்பூர்வ அறிவிப்பு; கொண்டாட்டத்தில் ரசிகர்கள்.!

கடந்த 2022ம் ஆண்டு ரிஷப் ஷெட்டியின் இயக்கம் மற்றும் நடிப்பில், சப்தமி கௌடா, கிஷோர், பிரமோத் ஷெட்டி, நவீன் உட்பட பலர் முக்கிய கதாபாத்திரத்தில் நடிக்க வெளியான திரைப்படம் காந்தாரா (Kantara). இப்படம் மிகப்பெரிய அளவில் வெற்றியை அடைந்தது.

காந்தாரா 2

ரூ.16 கோடி செலவில் வெளியான திரைப்படம் ரூ.400 கோடிகளை கடந்து மிகப்பெரிய வசூல் சாதனையை செய்தது. கன்னட-மலையாள பகுதிகளில் வாழும் மக்கள் வணங்கும் பஞ்சுருளி தெய்வத்தின் கதையை படமாக எடுத்து, அப்படம் மிகப்பெரிய வெற்றியை அடைந்தது. அதனைத்தொடர்ந்து, இரண்டாவது பாகம் தயாராகி வந்தது. இரண்டாம் பாகத்தில் ரிஷப், ஜெயராம் நடிப்பது உறுதி செய்யப்பட்டுள்ளது.

இதையும் படிங்க: விடுதலை 2ம் பாகத்தின் பாடல் நாளை வெளியீடு; காந்த குரலில் இழுக்கும் இளையராஜா.. ப்ரோமோ உள்ளே.!

வெளியீடு தேதி அறிவிப்பு

இந்நிலையில், காந்தாரா ஏ லெஜண்ட் சேப்டர் 1 (Kantara a Legend Chapter 1) திரைப்படம், வரும் அக்.2, 2025 அன்று வெளியாகும் என அறிவிக்கப்பட்டுள்ளது. வரும் 2025 காந்தி ஜெயந்தி அன்று படம் திரையரங்குகளில் வெளியாகிறது என்பது குறிப்பிடத்தக்கது. இப்படம் கன்னடம், தெலுங்கு, தமிழ், மலையாளம், ஹிந்தி, ஆங்கிலம் ஆகிய மொழிகளிலும் வெளியாகிறது.

இதையும் படிங்க: நயன்தாரா Vs தனுஷ் விவகாரம்.. தனுஷுக்கு பெருகும் ஆதரவு., பரபரப்பு காரணம்.!