கேஜிஎப் யாஷின் 19-வது படம்.. வெளியானது அதிகாரப்பூர்வ அறிவிப்பு.! கொண்டாடும் ரசிகர்கள்.!!

கன்னட திரையுலகில் முன்னணி நடிகராக இருந்து வருபவர் நடிகர் யாஷ். இவர் கன்னடத்தில் வெளியான பல காதல் படங்களில் நடித்து பிரபலமானவர். 

மேலும் கேஜிஎஃப் திரைப்படத்தின் மூலமாக பலரையும் கவர்ந்த இவர் கேஜிஎப் இரண்டாம் பாகத்திலும் நாயகனாக நடித்திருந்தார். இவ்விரண்டு பாகமும் மக்கள் மத்தியில் பெரும் வரவேற்பைப் பெற்றது.

இதனை தொடர்ந்து கேஜிஎஃப் மூன்றாம் பாகம் விரைவில் உருவாகும் என்று எதிர்பார்க்கப்படுகிறது. இந்நிலையில் நடிகர் யாஷின் 19-ஆவது திரைப்படம் தொடர்பான அறிவிப்பு வெளியாகி உள்ளது. 

டிசம்பர் மாதம் 8-ஆம் தேதி காலை 9:55 மணியளவில் கே.வி.என் தயாரிப்பில் உருவாகும் திரைப்படத்தின் தலைப்பு வெளியாவதாக யாஷ் தனது டுவிட்டர் பக்கத்தில் தகவல் ஒன்றை வெளியிட்டுள்ளார்.