பாக்ஸ் ஆபிஸில் வசூலை வாரிக் குவிக்கும் லவ்வர் திரைப்படம்... என்னது அதற்குள் இந்த ஓடிடி தளத்தில் வெளியாகிறதா... எப்போ தெரியுமா.?

சில்லு கருப்பட்டி, ஜெய் பீம், குட் நைட் என தொடர்ந்து வெற்றி படங்களை கொடுத்து முன்னணி நடிகராக மாறி வருபவர் நடிகர் மணிகண்டன். இவரின் படங்கள் அனைத்து ரசிகர்கள் மத்தியில் அமோக வரவேற்பை பெற்று வருகிறது. அந்த வகையில் அண்மையில் இவர் நடிப்பில் வெளியான லவ்வர் திரைப்படமும் திரையரங்குகளில் வெற்றி நடை போட்டு வருகிறது.

இயக்குனர் பிரபுராம் வியாஸ் இயக்கத்தில் கடந்த 9 ஆம் தேதி வெளியான லவ்வர் திரைப்படம் ரஜினியின் லால் சலாம் படத்துக்கு போட்டியாக வெளியாகி ரசிகர்கள் மத்தியில் அமோக வரவேற்பை மட்டுமின்றி வசூலையும் வாரிக் குவித்து வருகிறது. ரொமாண்டிக் திரைப்படமான லவ்வர் திரைப்படம் திரையரங்குகளில் வெளியான முதல் மூன்று நாளிலேயே 3 கோடிக்கு மேல் வசூல் சாதனை படைத்துள்ளது.

இந்நிலையில் இப்படம் பிரபல ஓடிடி தளத்தில் வெளியாகவுள்ளதாக தகவல் வெளியாகியுள்ளது. அதன்படி லவ்வர் திரைப்படத்தின் ஓடிடி உரிமையை டிஸ்னி பிளஸ் ஹாட் ஸ்டார் நிறுவனம் கைப்பற்றி உள்ளது. மேலும் லவ்வர் திரைப்படத்தை வருகின்ற மார்ச் மாதம் 8-ந் தேதி ஓடிடி தளத்தில் வெளியாகவுள்ளதாகவும் தகவல் பரவி வருகிறது. இந்த தகவல் ஓடிடி ரசிகர்கள் மத்தியில் மிகுந்த எதிர்பார்ப்பை ஏற்படுத்தியுள்ளது.