வாவ்..!! மாயா படத்தில் பாபா வாக நடித்த குழந்தை தற்போது எப்படி இருக்கார் பாருங்க.!! வைரல் புகைப்படங்கள்..

1999 ஆம் ஆண்டு வெளியான மாயா திரைப்படத்தில் குழந்தை நடச்சத்திரமாக நடித்த குழந்தையின் தற்போதைய புகைப்படம் இணையத்தில் வைரலாகிவருகிறது.

இயக்குனர் ராம நாராயணன் இயக்கத்தில் கடந்த 1999 ஆம் ஆண்டு வெளியானது மாயா திரைப்படம். இந்த படத்தில் நெப்போலியன் நாயகனவும், அவருக்கு ஜோடியாக நக்மாவும் நடித்திருந்தனர். படத்தில் முக்கிய கதாபாத்திரத்தில் மறைந்த பின்னணி பாடகர் SP பாலசுப்ரமணியம் அவர்கள் நடித்திருந்தார்.

கடவுள் பாபாவை மையமாக கொண்டு எடுக்கப்பட்டிருந்த இந்த படம் ரசிகர்கள் மத்தியில் நல்ல வரவேற்பை பெற்றது. இந்த படத்தில் பாபா கதாபாத்திரத்தில் ஒரு பெண் குழந்தை நடித்திருப்பார். அவரது பெயர் ஷீலா கவுர். ஆயுத பூஜை என்ற திரைப்படம் மூலம் குழந்தை நட்சத்திரமாக அறிமுகமான இவர் அதன்பின்னர் விஜய் நடிப்பில் வெளியான பூவே உனக்காக படத்திலும் குழந்தை நட்சத்திரமாக நடித்துள்ளார்.

அதன்பின்னர்தான் மாயா திரைப்படத்தில் பாபாவாக நடிக்கும் வாய்ப்பு இவருக்கு கிடைத்தது. இந்த படத்தில் இவரது நடிப்பு அனைவராலும் பாராட்டப்பட்டது. மாயா படத்தை அடுத்து சூர்யாவின் நந்தா படத்தில் சிறுவயது சூர்யாவுக்கு தங்கையாகவும், அஜித்தி நடித்த தீனா படத்தில் லைலா வின் தங்கையாகவும் நடித்திருப்பார். அதனை அடுத்து T ராஜேந்தர் நடிப்பில் வெளியான வீராசாமி படத்தில் T ராஜேந்தரின் தங்கையாக நடித்திருந்தார்.

தொடர்ந்து துணை கதாபாத்திரங்களில் நடித்துவந்த இவர் ஒருசில படங்களில் நாயகியாகவும் நடித்துள்ளார். ஆனால் அவர் நடித்த படங்கள் இவருக்கு பெரியளவில் கைகொடுக்கவில்லை. இதனால் மலையாளம், தெலுங்கு மற்றும் கன்னட படங்களில் கவனம் செலுத்திவருகிறார் ஷீலா கவுர். இந்நிலையில் இவரது தற்போதைய புகைப்படங்கள் சில இணையத்தில் வெளியாகி வைரலாகிவருகிறது.