யார் அந்த எஸ்.ஐ மனோஜ்? தவறான உறவில் இருப்பதாக கூறிய தாடிபாலாஜிக்கு பதிலடி கொடுத்த நித்யா!
by
தமிழ் சினிமாவில் ஒரு சில படங்களில் காமெடி நடிகராகவும், பிரபல தனியார் தொலைக்காட்சியின் காமெடி நிகழ்ச்சியில் நடுவராகவும் இருந்து வருபவர் தாடி பாலாஜி. இவரது மனைவி நித்யா. இவர்களுக்கு போஷிகா என்ற பெண் குழந்தை உள்ளது.
இவர் பிக் பாஸ் சீசன் 2 நிகழ்ச்சியில் கலந்து கொண்டு மக்களிடையே பெருமளவில் பிரபலமானார். பிக் பாஸ் நிகழ்ச்சியில் கலந்துகொள்வதற்கு முன்பு இவருக்கும், இவரது மனைவிக்கும் இடையே நடந்த குடும்ப சண்டை தமிழகம் முழுவதும் தெரியவந்தது. இதனை அடுத்து பிக் பாஸ் நிகழ்ச்சியில் கணவன் மனைவி இருவரும் கலந்துகொண்டனர். இந்த நிகழ்ச்சி இவர்கள் இருவரையும் ஒன்று சேர்த்தது.
இந்நிலையில் தாடி பாலாஜி மனைவி நித்யா மீண்டும் போலீசில் புகார் மனு ஒன்றை அளித்துள்ளார், அதில் தாடி பாலாஜி தன்னையும் தன் மகளையும் அடித்து துன்புறுத்துவதுடன், ஆபாசமான வார்த்தைகளால் திட்டுவதாகவும் கூறியுள்ளார்.
இதற்கு பதில் அளித்த தாடி பாலாஜி, தன் மீது நித்யா வேண்டுமென்றே வீண் பலி சுமத்துவதாகவும், தான் எந்த தவறும் செய்யவில்லை என்றும் கூறியுள்ளார்.மேலும் தனது மனைவி நித்யா உதவி ஆய்வாளர் மனோஜ் என்பவருடன் தகாத உறவில் இருப்பதாகவும் கூறியுள்ளார்.
இந்நிலையில் நித்யா மனோஜை குறித்து கூறியுள்ளார். அதில் பாலாஜி தான் எனக்கு மனோஜை அறிமுகப்படுத்தினார்.மனோஜ் எங்கள் இருவருக்குமிடையே உள்ள பிரச்சனையை தீர்க்கமுயற்சி செய்தார். ஆனால் பாலாஜி எங்களுக்கு உதவ வந்த அவரை என்னுடன் இணைத்து தவறாக பேசி அசிங்கப்படுத்தியுள்ளார்.மேலும் பிக்பாஸ் நிகழ்ச்சியில் இருந்தபோது அவசரத்திற்கு தொடர்பு கொள்ள நான் அவரது நம்பரை தான் கொடுத்திருந்தேன். அது பாலாஜிக்கு தெரியும் என நித்யா கூறியுள்ளார்.
