ஜெயிலர் பட பாடலுக்கு... எதிர்நீச்சல் ஜனனியின் துள்ளலான நடனம்... இன்ஸ்டாவில் வைரல் வீடியோ.!

சன் டிவியில் ஒளிபரப்பாகும் எதிர்நீச்சல் தொடர் சின்னத்திரை ரசிகர்களிடம் மிகப்பெரிய வரவேற்பு பற்றி வெற்றிகரமாக டிஆர்பி ரேட்டிங்குளில் முன் வரிசையில் வலம் வருகிறது. இந்தத் தொடரில் ஜனனி என்னும் கதாபாத்திரத்தில் நடித்திருப்பவர் மதுமிதா.

கன்னட நடிகையான இவர் எதிர்நீச்சல் தொடரில்  முக்கிய வில்லனான குணசேகரனின் தம்பி மனைவியாகவும் பெண் விடுதலை மற்றும் சமத்துவத்தைப் பற்றி பேசும் பெண்ணாகவும் நடித்திருக்கிறார். இவரது கதாபாத்திரத்திற்கு இளம் பெண்கள் மற்றும் ரசிகர்களிடையே மிகப் பெரிய வரவேற்பு இருக்கிறது.

கன்னட சின்னத்திரை நிகழ்ச்சிகளின் மூலம் அறிமுகமான இவர் தமிழில்  எதிர்நீச்சல் தொடரில் தான் முதல் முதலாக நடித்திருக்கிறார். மேலும் இந்தத் தொடரும் அவருக்கு மிகப்பெரிய வரவேற்பு பெற்று தந்திருக்கிறது . இவரது துணிச்சல் மிக்க கதாபாத்திரத்தை அனைவரும் பாராட்டி வருகின்றனர்.

இந்நிலையில் சூப்பர் ஸ்டாரின் ஜெயிலர் திரைப்படத்திலிருந்து சமீபத்தில் வெளியான நூ காவாலயா என்ற பாடல் அனைத்து ரசிகர்களிடமும் நல்ல வரவேற்பு பெற்று இருக்கிறது. மேலும் இந்தப் பாடலில் தமன்னாவின் நடனம் அனைவரின் மனதையும் கட்டிப்போட்டு விட்டது என்றே கூறலாம். தற்போது இந்தப் பாடலுக்கு எதிர்நீச்சல் ஜனனி நடனமாடி இருக்கும் வீடியோ சமூக வலைதளங்களில் வைரலாகி வருகிறது. எதிர்நீச்சல் ஜனனியா என ரசிகர்களை ஆச்சரியப்படும் அளவிற்கு அட்டகாசமாக  கவர்ச்சி  நடனம் ஆடி இருக்கிறார் மதுமிதா.