தேர்தலில் மாஸ் வெற்றி.! வாழ்த்து கூறிய தளபதி விஜய்க்கு பதிலளித்த சந்திரபாபு நாயுடு!!

நாடாளுமன்ற தேர்தலுடன் ஆந்திர மாநிலத்தில் சட்டமன்ற தேர்தலும் நடத்தப்பட்டது. அதில் தெலுங்கு தேசம் மற்றும் பவன் கல்யாணின் ஜன சேனா கூட்டணி வெற்றி பெற்றுள்ளது. இந்நிலையில் சந்திரபாபு நாயுடுவின் தெலுங்கு தேசம் கட்சி 130க்கும் மேற்பட்ட இடங்களில் வெற்றி பெற்று தனிப்பெரும்பான்மையுடன் ஆட்சியை கைப்பற்றியுள்ளது.

வாழ்த்து கூறிய விஜய் 

சந்திரபாபு நாயுடு 4 வது முறையாக ஆந்திராவின் முதல்-மந்திரியாக வரும் 12 ஆம் தேதி பதவியேற்கவுள்ளார். தேர்தல் முடிவுகள் வெளிவந்த அன்றே நடிகரும், தமிழக வெற்றிக்கழக தலைவருமான விஜய், சந்திரபாபு நாயுடுவுக்கு வாழ்த்து தெரிவித்திருந்தார்.

இதையும் படிங்க: ஆடுகளத்தில் மட்டுமல்ல அரசியல் களத்திலும் வெற்றி.! பிரபல இந்திய கிரிக்கெட் வீரர் சாதனை!!

நன்றி கூறிய சந்திரபாபு நாயுடு 

அவர், ஆந்திர சட்டசபைத் தேர்தலில் வெற்றிப்பெற்ற சந்திரபாபு நாயுடு மற்றும் தெலுங்கு தேசக் கட்சிக்கு எனது வாழ்த்துக்கள். உங்களது தொலைநோக்கு தலைமையின் கீழ் ஆந்திர மக்கள் சிறந்த முன்னேற்றத்தை அடைய எனது வாழ்த்துகள் என தெரிவித்திருந்தார். இந்நிலையில் வாழ்த்து தெரிவித்த விஜய்க்கு சந்திரபாபு நாயுடு நன்றி தெரிவித்து எக்ஸ் தளப் பக்கத்தில், உங்களது மனமார்ந்த  வாழ்த்துகளுக்கு மிக்க நன்றி என தெரிவித்துள்ளார்.