மணிப்பூரில் நிகழ்ந்த கோர விபத்து... பள்ளி பேருந்து கவிழ்ந்ததில் 7 பேர் பலி, 20 பேர் படுகாயம்...
மணிப்பூரில் நிகழ்ந்த கோர விபத்து... பள்ளி பேருந்து கவிழ்ந்ததில் 7 பேர் பலி, 20 பேர் படுகாயம்...
by
மணிப்பூரின் நோனி மாவட்டத்தில் உள்ள தம்பால்னு மேல்நிலைப் பள்ளி மாணவர்கள் இரண்டு பேருந்துகளில் இன்று கல்வி சுற்றுலாவுக்காக சென்றுள்ளனர். அப்போது எதிர்பாராத விதமாக ஓட்டுனரின் கட்டுப்பாட்டை இழந்த பேருந்து இம்பாலில் இருந்து 55 கிமீ தொலைவில் உள்ள மலை பிரதேச மாவட்டத்தின் லாங்சாய் பகுதிக்கு அருகில் உள்ள பழைய கச்சார் சாலையில் திடீரென கவிழ்ந்து விபத்துள்ளானது.
இச்சம்பவம் குறித்து தகவல் அறிந்த மீட்பு குழுவினர் சம்பவ இடத்திற்கு விரைந்து சென்று மாணவர்களை மீட்கும் பணியில் ஈடுபட்டுள்ளனர். அதில் 7 பேர் சம்பவ இடத்திலேயே பலியாகியுள்ளனர். 20 பேர் படுகாயங்களுடன் மீட்கப்பட்டு அருகில் இருந்த அரசு மருத்துவமனைக்கு அனுப்பி வைக்கப்பட்டுள்ளனர்.
இச்சம்பவம் அப்பகுதியில் பெரும் சோகத்தை ஏற்படுத்தியுள்ளது. மேலும் விபத்து குறித்து தனது ட்விட்டர் பக்கத்தில் பகிர்ந்த அமைச்சர் பிரேன் சிங் பழைய கச்சார் சாலையில் இன்று பள்ளி மாணவர்களை ஏற்றிச் சென்ற பேருந்து விபத்துக்குள்ளானதைக் கேள்விப்பட்டு மிகவும் வருத்தமடைந்தேன் என்று குறிப்பிட்டுள்ளார்.
