தினமும் தோசை சாப்பிட்டு போரடிக்குதா?.. சுவையான கொத்து தோசை செய்து அசத்துங்கள்..! 

தினமும் தோசை செய்து சாப்பிட பிடிக்காதவர்களுக்கு மிகவும் சுவையான கொத்து தோசை எப்படி செய்வது என்பது பற்றி காணலாம்.

தேவையான பொருட்கள் :

வெங்காயம் - 1 
முட்டை - 1 
தோசை மாவு - 2 கரண்டி 
மிளகு - 1/2 தேக்கரண்டி 
சீரகம் - 1/2 தேக்கரண்டி 
உப்பு - தேவைக்கேற்ப 
நெய் - 2 தேக்கரண்டி 
கொத்தமல்லி தழை - சிறிதளவு

செய்முறை :

★முதலில் வெங்காயம் மற்றும் கொத்தமல்லியை பொடியாக நறுக்கிக் கொள்ள வேண்டும்.

★பின் மிளகு, சீரகத்தை பொடித்து வைக்கவும். முட்டையை உடைத்து சிறிதளவு உப்பு சேர்த்து அடித்து வைக்க வேண்டும்.

★அடுத்து தோசை கல்லில் 2 கரண்டி தோசைமாவை ஊற்றி, அடித்து வைத்த முட்டையை தோசை மீது ஊற்றி வேக வைக்க வேண்டும்.

★பின் திருப்பி போட்டு மிதமான தீயில் வேக வைத்த பின், வெந்த முட்டை தோசையை எடுத்து சிறு துண்டுகளாக வெட்ட வேண்டும்.

★ஒரு கடாயில் நெய் சேர்த்து சூடானதும் வெங்காயம் போட்டு நன்கு வதக்க வேண்டும்.

★வெங்காயம் பாதி வதங்கியதும், தோசை துண்டுகளை சேர்த்து சிறிதளவு உப்பு போட்டு வதக்கி, இறுதியாக மிளகு, சீரகம் பொடி சேர்த்து கொத்தமல்லி தழை தூவி இறக்கினால் கொத்து தோசை தயாராகிவிடும்.