டி20 உலகக்கோப்பை இறுதிப் போட்டிக்கு நேரடியாக சென்ற இந்திய மகளிர் அணி! அவர்களை எதிர்த்து ஆடப்போவது யார்?

2020 மகளிர் டி20 உலகக்கோப்பை தொடரின் அரையிறுதி மழையால் தடைபட்ட நிலையில், இந்திய மகளிர் அணி நேரடியாக இறுதிப் போட்டிக்கு முன்னேறியது.

பெண்களுக்கான 7-வது 20 ஓவர் உலக கோப்பை கிரிக்கெட் போட்டி ஆஸ்திரேலியாவில் நடந்து வருகிறது. 10 அணிகள் பங்கேற்ற இந்த போட்டியில் லீக் சுற்று முடிவில் ‘ஏ’ பிரிவில் முதல் 2 இடங்களை பிடித்த இந்தியா, ஆஸ்திரேலியா, ‘பி’ பிரிவில் டாப்-2 இடத்தை பெற்ற தென்ஆப்பிரிக்கா, இங்கிலாந்து ஆகிய அணிகள் அரைஇறுதிக்கு தகுதி பெற்றன.

இந்தநிலையில் இந்தியா - இங்கிலாந்து அணிகள் மோதவிருந்த அரையிறுதிப் போட்டி மழையால் கடுமையாக பாதிக்கப்பட்டது. அதனால், போட்டியில் டாஸ் கூட போடப்படவில்லை. இதனால்,  ஏ பிரிவில் புள்ளிப்பட்டியலில் முதலிடம் பிடித்த இந்திய அணி இறுதிப்போட்டிக்குத் தகுதி பெற்றதாக அறிவிக்கப்பட்டது.  

இதனையடுத்து மற்றொரு அரையிறுதிப் போட்டியில் தென்னாப்பிரிக்கா - ஆஸ்திரேலியா அணிகள் மோதவுள்ளன. அந்தப் போட்டியும் சிட்னி மைதானத்தில் நடைபெறவுள்ளது. அந்தப் போட்டியும் மழையால் நின்றாள் தென்னாப்பிரிக்கா அணி இறுதிப் போட்டிக்கு முன்னேறும்.