வெங்கடேஷ் பட் மீது அவதூறு; பயில்வானை வறுத்தெடுத்த நெட்டிசன்கள்.. பட் பரபரப்பு வீடியோ.!

திரைப்பட விமர்சகரும், நடிகருமான பயில்வான் ரங்கநாதன், தற்போது பல யூடியூப் சேனல்களுக்கு சென்று சர்ச்சைக்குரிய வகையில் திரைப் பிரபலன்களைப் பற்றி பல கருத்துக்களை முன்வைத்து வருகிறார். இவரின் விமர்சனங்கள் ஒருகட்டத்தில் எல்லைமீறிச் சென்று, நடிகை ஒருவரால் நேரடியாகவும் வறுத்தெடுக்கப்ட்டு இருந்தார். 

எனினும், அவர் தனது விமர்சனங்கள் மற்றும் தகவல் பகிர்வை இன்று வரை கைவிடாமல் தொடர்ந்து வருகிறார். இதனிடையே, சமீபத்தில் குக் வித் கோமாளி நிகழ்ச்சி வாயிலாக, தமிழக மக்களால் நன்கு அறியப்பட்ட வெங்கடேஷ் பட், தற்போது சன் தொலைக்காட்சியில் ஒளிபரப்பாகும் சமையல் நிகழ்ச்சியில் நடுவராக இருக்கிறார். 

இதையும் படிங்க: துணை முதல்வர் உதயநிதியை அணுஅணுவாக ரசித்து சொற்பொழிவாற்றிய கவிஞர் வைரமுத்து; விபரம் உள்ளே.! 

பயில்வான் ரங்கநாதன் சர்ச்சை பேச்சு

இதனிடையே, அவர் பல கோடிக்கணக்கில் சம்பளம் கேட்டதாக சர்ச்சைக்குரிய வகையில் பயில்வான் ரங்கநாதன் பேசி இருக்கிறார். இதற்கு எதிர்ப்பு தெரிவித்த வெங்கடேஷ் பட்டின் ரசிகர்கள், பயில்வான் ரங்கநாதனை கடுமையாக வசைபாடி வருகின்றனர். 

இந்நிலையில், தனது சமூக வலைதளப்பக்கத்தில் வீடியோ ஒன்றை வெளியிட்டுள்ள வெங்கடேஷ் பட், தன்னை விமர்சித்த ரங்கநாதனை அவதூறான கருத்துக்களால் வறுத்தெடுக்க வேண்டாம் என கோரிக்கை வைத்துள்ளார்.

வெங்கடேஷ் பட் கோரிக்கை

இதுகுறித்து வெங்கடேஷ் பட் கூறியுள்ள வீடியோவில், "முகநூலில் ஒருவர் என்னைப்பற்றி விமர்சித்ததற்கு, பலரும் அவதூறான வார்த்தைகளை பயன்படுத்தி பதில் சொல்லி வருவதாக தெரியவருகிறது. அவர் என்னைப்பற்றி எதனால் பேசினார் என தெரியவில்லை. 

அவர் அதனை பிழைப்புக்காக செய்கிறாரா? வேறு காரணமா? என தெரியவில்லை. என்னை நேசிக்கும் நபர்கள் அவதூறான கருத்துக்களை பயன்படுத்தி விமர்சிக்க வேண்டாம். நீங்கள் கொடுக்கும் அன்பு எனக்கு போதும், யாரையும் திட்ட வேண்டாம். 

சாணியில் கல்லெறிந்து அந்த சாணி நமது முகத்தின் மீது படவேண்டாம். தலைவர் கூறியதைப்போல யார் என்ன வேண்டுமானாலும் சொல்லட்டும், நமது பாதையில் நாம் பயணம் செய்வோம். நாம் சூரியனாக இருப்போம், எந்த நாயும் குரைத்துவிட்டு போகட்டும்" என கோரிக்கை வைத்தார். 

இதையும் படிங்க: முன்னாள் பெண் போலீசை ஏமாற்றிய இன்ஸ்டா பிரபலம்.. எப்.ஐ.ஆர் போட்டதும் தலைமறைவு.!