அரசு கொடுத்த அதிரடி சலுகை.! ஆகஸ்டு 27-தான் கடைசி தேதி.! யாரும் மிஸ் பண்ணிடாதீங்க.!

வேலைவாய்ப்பு பதிவை புதுப்பிக்க தவறியவர்களுக்கு சிறப்பு சலுகையை தமிழக அரசு அறிவித்துள்ளது.  வேலைவாய்ப்பு அலுவலகப் பதிவை 2017, 2018 மற்றும் 2019-ம் ஆண்டுகளில் புதுப்பிக்க தவறியவர்களுக்கு சிறப்பு புதுப்பித்தல் சலுகை வழங்கலாம் என்று அரசுக்கு வேலைவாய்ப்பு மற்றும் பயிற்சித்துறை இயக்குநர் பரிந்துரைத்துள்ளார். 

இதனையடுத்து தமிழகத்தில் உள்ள வேலைவாய்ப்பகங்களில் 2017, 2018, 2019-ம் ஆண்டுகளில் (1-1-2017 முதல் 31-12-2019 வரை) வேலைவாய்ப்பு அலுவலகப் பதிவை புதுப்பிக்க தவறியவர்களுக்கு சில நிபந்தனைகளுடன் சிறப்பு புதுப்பித்தல் சலுகையை வழங்கி அரசு ஆணையிட்டுள்ளது.

அதன்படி, வருகிற ஆகஸ்டு 27 ஆம் தேதிக்குள், http://tnvelaivaaippu.gov.in என்ற இணையதள முகவரியை பயன்படுத்தி பதிவை புதுப்பித்துக்கொள்ளலாம். ஆன்-லைன் மூலமாக புதுப்பிக்க முடியாதவர்கள் மேற்குறிப்பிட்ட தேதிக்குள் சம்பந்தப்பட்ட மாவட்ட வேலைவாய்ப்பு அலுவலகத்துக்கு பதிவஞ்சல் மூலமாக விண்ணப்பம் அளித்தும் புதுப்பித்து கொள்ளலாம் என தெரிவிக்கப்பட்டுள்ளது.