அதிர்ச்சி... முதலாம் ஆண்டு கல்லூரி மாணவிக்கு கழுத்தில் கத்தி குத்து... பிடிப்பட்ட நபரின் பகீர் வாக்குமூலம்.!

சென்னை நந்தம்பாக்கத்தில் முதலாம் ஆண்டு கல்லூரி மாணவி கத்தியால் குத்தப்பட்ட சம்பவம்  பெரும் பரபரப்பு ஏற்படுத்தி இருக்கிறது. இது தொடர்பாக இளைஞர் ஒருவரை காவல் துறையினர் கைது செய்துள்ளனர்.

சென்னை நந்தம்பாக்கம் பகுதியில் சென்று கொண்டிருந்த மாணவியை பின் தொடர்ந்து வந்த இளைஞர் கத்தியால் அவரது கழுத்தில் குத்தினார். இதில் படுகாயமடைந்த மாணவியை அக்கம்பக்கத்தினர் மற்றும் காவல் துறையினர் மீட்டு மருத்துவமனையில் அனுமதித்தனர். அங்கு மாணவிக்கு தீவிர சிகிச்சை அளிக்கப்பட்டு வருகிறது.

இந்த சம்பவத்தில் கத்தியால் குத்தி விட்டு  தப்பி ஓடிய நவீன் என்ற இளைஞரை காவல்துறையினர் விரட்டிப் பிடித்தனர். அவரிடம் நடத்தப்பட்ட விசாரணையில் காதலிக்க மறுத்ததால் கல்லூரி மாணவியை கத்தியால் குத்ததாக வாக்குமூலம் அளித்திருக்கிறார். இதனைத் தொடர்ந்து அவரை கைது செய்த காவல் துறையினர் சிறையில் அடைத்தனர்.

பெண்களுக்கு எதிரான வன்கொடுமைகள் நாட்டில் அதிகரித்துக் கொண்டே வருகின்றன. சில காலமாக இது போன்ற ஒரு தலை காதல் பிரச்சினைகள் இல்லாத நிலையில் தற்போது மீண்டும் தலை தூக்க தொடங்கி இருக்கிறது.