தண்ணீர் தர மறுத்து பிரச்சனை செய்பவனின் வீட்டில் சோறு சாப்பிடுவதா?; துரோகம் செய்த முதல்வர் மு.க ஸ்டாலின்.. பாஜக பகீர் குற்றசாட்டு.!

கர்நாடக மாநிலத்தில் உள்ள பெங்களூரில் தேசிய அளவிலான எதிர்க்கட்சிகள் ஒருங்கிணைந்து இரண்டாவது ஆலோசனை கூட்டத்தினை நடத்தி வருகிறது. முதல் கூட்டம் பீகார் மாநிலத்தில் உள்ள பாட்னாவில் நடைபெற்றது. இந்நிகழ்வில் தமிழ்நாடு முதல்வர் & திமுக தலைவர் மு.க ஸ்டாலினும் கலந்துகொண்டுள்ளார்.

இந்நிலையில், தமிழ்நாடு பாஜக கட்சியை சேர்ந்தவர்கள், முதல்வர் மு.க ஸ்டாலினின் கர்நாடக பயணத்திற்கு எதிர்ப்பு தெரிவிக்கும் பொருட்டு கருப்பு நிற சட்டையுடன், கருப்பு நிற பலூனை பறக்கவிட்டு வருகின்றனர். 

அதேபோல, ட்விட்டரில் காவேரியின் குறுக்கே அணையை கட்டியே தீருவோம் என தீர்க்கமாக இருக்கும் கர்நாடக மாநில அரசின் விருந்தில் சாப்பிட மு.க ஸ்டாலினுக்கு எப்படி மனம் வருகிறது. இது தமிழர்களுக்கு எதிரான துரோகம் என வசைபாடி வருகின்றார்.

முன்னதாக கர்நாடக மாநில அரசுப்பொறுப்பில் இருந்த பாஜகவும் மேகதாது அணை விவகாரத்தில் விடாப்பிடியாக இருந்தது குறிப்பிடத்தக்கது.