Rain Update: இன்று முதல் 26ம் தேதி வரை தமிழகமெங்கும் மழைக்கு வாய்ப்பு - சென்னை வானிலை ஆய்வு மையம்.!
Rain Update: இன்று முதல் 26ம் தேதி வரை தமிழகமெங்கும் மழைக்கு வாய்ப்பு - சென்னை வானிலை ஆய்வு மையம்.!
by
22, 23ம் தேதிகளில் இடி, மின்னலுடன் மழை, 24 & 25ம் தேதியில் மிதமான மழை பெய்யலாம் என அறிவிக்கப்பட்டுள்ளது.
சென்னை வானிலை ஆய்வு மையம் வெளியிட்டுள்ள செய்திக்குறிப்பில், "தென்னிந்திய பகுதியில் மேல் நிலவும் வளிமண்டல கீழடுக்கு சுழற்சி மற்றும் மேற்கு திசை காற்று சந்திக்கும் பகுதி காரணமாக, 22 ஆம் தேதியான இன்று தமிழ்நாடு-புதுச்சேரி பகுதியில் ஒரு சில இடங்களில் இடி-மின்னலுடன் கூடிய லேசான மழை முதல் மிதமான மழை பெய்யப்படும்.
23 ஆம் தேதி தமிழ்நாடு, புதுச்சேரி-காரைக்கால் பகுதிகளில் ஒரு சில இடங்களில் லேசான மழை அல்லது மிதமான மழை பெய்யலாம். 24 ஆம் தேதி முதல் 26 ஆம் தேதி வரை தமிழ்நாடு, புதுச்சேரி-காரைக்கால் பகுதிகளில் ஒரு சில இடங்களில் லேசான முதல் மிதமான மழை பெய்யலாம்.
தலைநகர் சென்னையில் அடுத்த 24 மணி நேரத்திற்கு வானம் மேகமூட்டத்துடன் காணப்படும். அடுத்த 24 மணி நேரத்திற்கு வாகன மேகமூட்டத்துடன் காணப்படும். நகரின் சில பகுதிகளில் அதிகபட்ச வெப்பநிலையாக 33 டிகிரி செல்சியசும், குறைந்தபட்ச வெப்பநிலையாக 22 டிகிரி செல்சியசும் பதிவாகலாம். நகரின் சில பகுதிகளில் இடி மின்னலுடன் கூடிய மழை முதல் மிதமான மழை பெய்யக்கூடும்" என தெரிவிக்கப்பட்டுள்ளது.
