குடும்பத் தகராறில்... தம்பி கொடூர கொலை .. அண்ணன் கைது.!
by
திருவாரூர் மாவட்டத்தில் குடும்பத்த தகராறு காரணமாக சொந்த தம்பியை அண்ணனே வெட்டி கொலை செய்த சம்பவம் அதிர்ச்சியையும் பரபரப்பையும் ஏற்படுத்தி இருக்கிறது.
திருவாரூர் மாவட்டம் விண்ணவாசல் மேட்டு தெரு பகுதியைச் சேர்ந்தவர் சேகர் இவருக்கு சக்திவேல்(35) மற்றும் கார்த்திக்(28) என்ற இரண்டு மகன்கள் இருந்தனர். இவர்கள் இருவருக்கும் திருமணம் ஆகிவிட்டது. இந்நிலையில் கார்த்திக்கின் மனைவி நேற்று இரவு தனது மாமியாரிடம் வாக்குவாதத்தில் ஈடுபட்டிருக்கிறார். இதனை சக்திவேல் கண்டித்துள்ளார்.
இது தொடர்பாக சக்திவேல் மற்றும் கார்த்திக் இடையே வாய் தகராறு ஏற்பட்டிருக்கிறது. இந்த தகராறு முற்றிய நிலையில் ஆத்திரம் அடைந்த சக்திவேல் கத்தியை எடுத்து தனது தம்பி கார்த்திக்கை சரமாரியாக வெட்டினார். இந்த தாக்குதலால் ரத்த வெள்ளத்தில் சரிந்த கார்த்திக்கை உறவினர்கள் மற்றும் அக்கம் பக்கத்தினர் மீட்டு அரசு ஆரம்ப சுகாதார நிலையத்திற்கு சிகிச்சைக்காக எடுத்துச் சென்றனர். அங்கு முதலுதவி அளிக்கப்பட்டு திருவாரூர் அரசு மருத்துவமனைக்கு கொண்டு சென்ற போது அவரைப் பரிசோதித்த மருத்துவர்கள் ஏற்கனவே உயிரிழந்து விட்டதாக தெரிவித்தனர்.
இதனைத் தொடர்ந்து இறந்த கார்த்திக்கின் மனைவி கொடுத்த புகாரின் பேரில் வழக்கு பதிவு செய்த காவல்துறையினர் கார்த்திக்கின் அண்ணன் சக்திவேலை கைது செய்து அவர் மீது கொலை வழக்கு பதிவு செய்தனர். மேலும் கார்த்திக்கின் உடலை கைப்பற்றி பிரத பரிசோதனைக்காக அனுப்பி வைத்தனர்.
