கொளுத்தும் வெயிலால் அவதிப்படும் மக்கள்; தாகம் தனித்து மனதை குளிர்வித்த சிவகார்த்திகேயன் ரசிகர்கள்.!

தமிழ்நாடு மட்டுமல்லாது இந்தியா முழுவதும் கோடைகால வெப்பத்தின் அளவு, முன்னெப்போதும் இல்லாத வகையில் அதிகரித்து இருக்கிறது. இதனால் மக்கள் வெயில் சார்ந்த பிரச்சனைகளை கடுமையாக எதிர்கொண்டு வருகின்றனர்.

நமது மாநிலத்தை பொறுத்தமட்டில் அடுத்த 5 நாட்களுக்கு வெப்ப அலைக்கான எச்சரிக்கை விடுக்கப்பட்டுள்ளது. வடதமிழக உள்மாவட்டங்கள், சமவெளி பகுதிகளில் கடும் வெப்பம் நிலவும் எனவும் எச்சரிக்கப்பட்டுள்ளது. 

மக்கள் அவசியம் இருப்பின் தவிர்த்து நண்பகல் வேளைகளில் வெளியே வர வேண்டாம், வயல்வெளிகளில் பணியாற்றுவோர் மற்றும் திறந்த வேளையில் வேலை பார்ப்போர் நண்பகல் வேளைகளில் பணியாற்றாமல் நேரத்தை மாற்றி அமைத்துக்கொள்ளவும் அறிவுறுத்தப்பட்டுள்ளது.

இந்நிலையில், நடிகர் சிவகார்த்திகேயன் ரசிகர்கள், கொளுத்தும் வெயிலில் இருந்து மக்களை காக்கும் பொருட்டு இளநீர், தர்பூசணி போன்றவற்றை இலவசமாக வழங்கினர். இந்த நற்செயல் பாராட்டுகளை பெற்று வருகிறது.