உடல் ஆரோக்கியத்தை மேம்படுத்தும் சிக்கன் நூடுல்ஸ் சூப்... வீட்டிலேயே ஈசியாக செய்யலாம் வாங்க..!!

உடல் ஆரோக்கியத்தை மேம்படுத்தும் சிக்கன் நூடுல்ஸ்சூப் எப்படி செய்வது என்பது பற்றி தற்போது காண்போம்.

தேவையான பொருட்கள் :

எண்ணெய் - 2 தேக்கரண்டி 
மிளகுப்பொடி - தேவைக்கேற்ப 
உப்பு - தேவைக்கு ஏற்ப 
நூடுல்ஸ் - 1/2 பாக்கெட் 
சிக்கன் - 1/2 கிலோ 
பூண்டு - 5 பல் 
வெங்காயம் - 1 
கொத்தமல்லி - கையளவு 
ஸ்ப்ரிங் ஆனியன் - 3

செய்முறை :

★முதலில் சிக்கனை நன்கு சுத்தம் செய்து சிறு சிறு துண்டுகளாக நறுக்கிக் கொள்ள வேண்டும்.

★பின் நூடுல்ஸை தனியாக வேக வைத்துக் கொள்ளவும்.

★அடுத்து கொத்தமல்லி, வெங்காயம், கேரட், ஸ்ப்ரிங் ஆனியனை பொடியாக நறுக்கிக்கொள்ள வேண்டும்.

★குக்கரில் மூன்று டம்ளர் தண்ணீர் சேர்த்து, சிக்கன் துண்டுகளோடு காய்கறிகள், உப்பையும் சேர்த்து குக்கரை மூடி 6 விசில் வரும் வரை காத்திருக்க வேண்டும்.

★விசில் வந்த பின் அடுப்பை அணைத்து குக்கர் மூடியை திறந்து நூடுல்ஸ், மிளகுத்தூள் சேர்த்து 5 நிமிடம் கொதிக்க வைக்க வேண்டும்.

★இறுதியாக ஸ்ப்ரிங் ஆனியன், கொத்தமல்லியை தூவி பரிமாறினால் சிக்கன் நூடுல்ஸ் தயாராகிவிடும்.