எடை பிரச்சனையில் இறக்கிவிடப்பட்ட லக்கேஜ்; பிரபல நடிகைக்கு விமான நிலையத்தில் நடந்த சம்பவம்.! இண்டிகோவுக்கு கண்டனம்.!

பயணியிடம் தகவல் தெரிவிக்காமலேயே எடை பிரச்சனையில் அவரின் உடமைகள் விமானத்தில் இருந்து இறக்கிவிடப்பட்ட சம்பவம் நடந்துள்ளது.

கடந்த 2000ம் ஆண்டு ஹிந்தி திரையுலகில் அறிமுகமாகி, இன்று புகழ்பெற்ற இந்திய நடிகைகளில் ஒருவராக இருப்பவர் ஷமிதா ஷெட்டி (Shamita Shetty). இவர் சம்பவத்தன்று நிகழ்ச்சி ஒன்றுக்காக ஜெய்ப்பூரில் இருந்து சண்டிகர் பயணம் செய்தார்.

இதையும் படிங்க: திகிலூட்டும் அனுபவத்துடன் பேய் படம் பார்க்க என்னமா? உங்களுக்கான மிரட்டல் படங்கள் இதோ.!

சண்டிகரில் ஏற்பாடு செய்யப்பட்டு இருந்த நிகழ்ச்சியில் அவர் கலந்துகொள்ள விமானத்தில் பயணம் செய்த நிலையில், இவரின் பேக் ஒன்று எடை பிரச்சனை காரணமாக ஜெய்ப்பூரில் இறக்கி விடப்பட்டுள்ளது. இதனை பயணியான நடிகையிடம் விமனக்குழு தெரிவிக்கவில்லை. 

நடிகை கண்டனம்

தனது பேக் வரவில்லை என்று நடிகை விமான நிலையத்தில் காத்திருந்த நிலையில், அவருக்கு தாமதமாக இந்த விஷயம் தெரியவந்துள்ளது. பின் இண்டிகோ நிறுவனத்தின் பணியாளரை அழைத்து முறையிடும்போது, அவருக்கு நடிகைக்கு எப்படி உதவ வேண்டும் என தெரியவில்லை. 

இதனால் அதிருப்தியடைந்த நடிகை, நீண்ட நேரம் காத்திருந்து தனது பையை பெற்றார். பின் இதுதொடர்பாக தனது எக்ஸ் பக்கத்தில் கண்டனமும் தெரிவித்துள்ளார். 

இதையும் படிங்க: தவெக மாநாடை மறைமுகமாக சுட்டிக்காட்டி, சூர்யாவை அரசியலுக்கு அழைத்த நடிகர்; கங்குவா இசை வெளியீடு விழாவில் அதிர்ந்த அரங்கம்.!