"டேங்க் மேல உட்கார்ந்துதான் நாங்க ரொமான்ஸ் பண்ணுவோம்" - காதலியுடன் ஜாலி ரைடு; அதிரடி காட்டிய எஸ்.பி.!

சாட்சிக்காரன் காலில் விழுந்தாற்போல என்ற பழமொழிக்கேற்ப, தவறு செய்த காதல் ஜோடி எஸ்.பியிடம் கையும் களவுமாக சிக்கிக்கொண்டது.

இளம் காதல் ஜோடிகள், இன்றளவில் தாங்கள் பார்க்கும் வீடியோவில் வரும் படி தங்களின் நடத்தையையும் மாற்றிக்கொள்கிறது. அந்த வகையில், கடந்த சில ஆண்டுகளாகவே காதல் ஜோடியில், இருசக்கர வாகனத்தில் செல்வோர் தனது காதலியை வாகனத்தின் முன்புறம் டேங்கில் திரும்பி அமரவைத்து, இருவரும் இறுக கட்டிபிடித்தபடி பயணம் செய்து வருகின்றனர். 

இதையும் படிங்க: ஆன்லைன் பந்தயத்தில் முதலீடு செய்து, ரூ.2 கோடி கடனாளியான மகன் அடித்தே கொலை; தந்தை அதிர்ச்சி செயல்.!

சட்டவிதிகளை மீறி ஆபத்தான சாகச செயல்

இவ்வாறான சர்ச்சை செயல்கள் மோட்டார்வாகன விதிமீறல் என்பதாலும், விபத்து ஏற்படும் வாய்ப்புகள் உள்ளதாலும், இதுபோன்ற செயலில் ஈடுபடும் நபர்களுக்கு அபராதம் விதிக்கப்பட்டு வருகிறது. சர்ச்சைக்குரிய செயலில் ஈடுபட்டும் சிக்கும் ஜோடியின் காணொளியை வைத்தும் காவல் துறையினரால் வழக்குப்பதிவு செய்யப்பட்டு நடவடிக்கை எடுக்கப்படுகின்றன. 

எஸ்.பியிடம் சிக்கிய காதல் ஜோடி

இந்நிலையில், சத்திஸ்கர் மாநிலத்தில் உள்ள ஜஷ்பூர் மாவட்ட காவல் கண்காணிப்பாளர் ஷாஷி மோகன் சிங், அலுவலக வேலையாக குங்குரி பகுதியில் திரும்பிக்கொண்டு இருந்துள்ளார். அச்சமயம் வினய் என்பவர், தனது 18 வயது காதலி சுஹானி என்பவரை, தேசிய நெடுஞ்சாலை 43ல் இருசக்கர வாகனத்தில் ஆபத்தான வகையில் அமரவைத்து அழைத்துச்செல்வதை கண்டுள்ளார். 

இதனையடுத்து, காதல் ஜோடியை வழிமறித்து நிறுத்திய எஸ்.பி., அவர்களுக்கு அறிவுரை கூறி கண்டித்து, அபராதம் விதித்து உத்தரவிட்டார். எஸ்.பி பதிவு செய்த விடியோவும் சமூக வலைத்தளங்களில் வெளியாகி வைரலாகி இருக்கிறது.

இதையும் படிங்க: பாகிஸ்தான் ஆக்கிரமிப்பு காஷ்மீரில் கலவரம்; விடுதலை கேட்டு மக்கள் போர்க்கொடி.. 144 தடை உத்தரவு பிறப்பிப்பு.!