விஜய், அஜித் வரிசையில் தனுஷ்... டி50 திரைப்படத்தில் த்ரிஷா.? சர்ப்ரைஸ் அப்டேட்.!

சத்திய ஜோதி பிலிம்ஸ் தயாரிப்பில்  அருண் மாதேஸ்வரன் இயக்கத்தில் தனுஷ் தற்போது நடித்துக் கொண்டிருக்கும் படம் கேப்டன் மில்லர். இந்த திரைப்படத்தின் படப்பிடிப்புகள் மும்முரமாக நடைபெற்றுக் கொண்டிருக்கின்றன. இந்தத் திரைப்படம் வருகின்ற ஆயுத பூஜைக்கு வெளியாகும் என்று எதிர்பார்க்கப்படுகிறது.

பீரியட் ஆகஷன் சினிமாவாக உருவாகி வரும் இந்த திரைப்படத்தின் படப்பிடிப்புகள்  தென்காசியை சுற்றி உள்ள காட்டுப்  பகுதிகளில் படமாக்கப்பட்டு வந்தது. இந்த  திரைப்படத்திற்காக தனுஷ் நீண்ட தாடி மற்றும் நீண்ட தலைமுடியும் வளர்த்து வருகிறார் என்பதும் குறிப்பிடத்தக்கது.

கேப்டன் மில்லர் திரைப்படத்திற்கு பிறகு  தனுஷ் அவரது ஐம்பதாவது திரைப்படத்தை அவரே இயக்கி நடிக்க இருக்கிறார்‌. இதற்கு முன்பு பவர் பாண்டி திரைப்படத்தை இயக்கியிருந்தார் என்பதும் குறிப்பிடத்தக்கது. தனுஷின் ஐம்பதாவது படத்தை சன் பிக்சர்ஸ் தயாரிக்க இருப்பதாக அதிகாரப்பூர்வமாக அறிவித்துள்ளது. இத்திரைப்படத்திற்கு இசைப்புயல் ஏ. ஆர். ரகுமான் இசையமைக்கிறார்.

நடிகர் தனுஷின் 50வது திரைப்படத்தில் நடிகை த்ரிஷா நடிக்க உள்ளதாக தகவல்#Dhanush | #Trisha | #Cinema | @dhanushkraja | @trishtrashers | #News7Tamil pic.twitter.com/3XK3cOT23K

— News7 Tamil (@news7tamil) May 31, 2023

கேப்டன் மில்லர் திரைப்படத்தின் படப்பிடிப்புகள் முடிவடைந்த பிறகு டி 50 திரைப்படத்திற்கான பணிகள் தொடங்கும் என எதிர்பார்க்கப்படுகிறது. ஏற்கனவே இந்த திரைப்படம் தொடர்பாக கதை விவாதத்திற்கு ஜவகர் மித்திரனையும்  தனுஷ் அழைத்திருந்தார் என்பது குறிப்பிடத்தக்கது. தற்போது இந்த திரைப்படத்தில் தனுசுக்கு கதாநாயகியாக நடிக்க திரிஷா ஒப்பந்தம் செய்யப்பட்டிருப்பதாக தகவல்கள் வெளியாகி வருகின்றன. மேலும் இதனை பற்றி அதிகாரப்பூர்வ அறிவிப்பு விரைவில் வெளியாகும் எனவும் எதிர்பார்க்கப்படுகிறது. கொடி திரைப்படத்திற்குப் பிறகு தனுசுடன் திரிஷா மீண்டும் இணைகிறார் என்பதும் குறிப்பிடத்தக்கது.