ஐசிசி உலக கோப்பை 2023: ''இந்திய அணி தேர்வில் வருத்தம்'' - தமிழக வீரர் நடராஜன்!!

வருகின்ற அக்டோபர் மாதம் 5 ஆம் தேதி முதல் ஐசிசி 50 ஓவர் உலகக் கோப்பை  தொடங்க உள்ளது. இந்த உலகக் கோப்பை போட்டியானது, இந்தியாவில் 10 நகரங்களில் நடைபெற இருக்கின்றது. இந்த நிலையில், போட்டியில் பங்கு பெரும் அணிகள் வீரர்கள் பட்டியலை வெளியிட்டவாறு  உள்ளன. 

வீரர்கள் தேர்வு குறித்த விவாதங்களும், விமர்சனங்களும் தொடர்ச்சியாக நடைபெற்று வருகிறது. இது இப்படியே போக, போட்டிக்கான டிக்கெட் விற்பனை மற்றும் விலை குறித்த விமர்சனங்களும் எழுத்து வருகிறது.

இப்படிப்பட்ட சூழ்நிலையில்,  இந்திய அணி கோப்பையை வெல்ல வாய்ப்புகள் அதிகம் என்று இந்திய அணியின் வேகப்பந்து வீச்சாளர் நடராஜன் கூறியுள்ளார்.

சேலம் மாவட்டத்தில் உள்ள தனியார் நிகழ்ச்சி ஒன்றில் பங்கேற்ற அவர், செய்தியாளர்கள் சந்திப்பில், “உலகக் கோப்பை கிரிக்கெட்டில் அனைத்து அணிகளுமே சவாலானவையாக இருக்கின்றன; நம் மண்ணில் நடப்பதால் இந்திய அணி கோப்பையை வெல்ல வாய்ப்புகள் அதிகம் இருப்பதாக தெரிவித்த அவர், இந்திய அணியில் தமிழகத்தை சேர்ந்த வீரர்கள் ஒருவர் கூட இடம்பெறாதது, அனைவரையும் போல் எனக்கும் வருத்தம் அளிக்கின்றது” என்று கூறியுள்ளார்.