தீபாவளிக்கு வெளியாகும் படங்களின் இறுதி பட்டியல்! ரேஸில் இருந்து விலகியது முக்கியமான படம்!

முன்பெல்லாம் தீபாவளி, பொங்கல் போன்ற பண்டிகை நாட்களில்தான் படங்கள் வெளியாகும். ஆனால் தற்போது வியாழன் அல்லது வெள்ளிக்கிழமை ஆனால் ஏதாவது ஒரு திரைப்படம் வெளிவந்துகொண்டுதான் இருக்கிறது. இருந்தாலும் பெரிய நடிகர்களின் படங்கள் மட்டும் இன்றுவரை ஏதவது பண்டிகைநாள் பார்த்துதான் திரையிடுகிறார்கள்.

இந்நிலையில் இந்த வருட தீபாவளிக்கும் தல அஜித்தின் விஸ்வாசம், தளபதி விஜய்யின் சர்கார், சூர்யாவின் NGK ஆகிய படங்கள் ரிலீஸாக இருந்தன. ஆனால் விஸ்வாசமும், NGK வும் படப்பிடிப்புகள் முடிவடையாததால் தனியாக சர்கார் படம் மட்டுமே தனி ஒரு படமாக திரைக்கு வருவதாக இருந்தது.

ஆனால் சர்க்கார் படத்திற்கு போட்டியாக கவுதம் மேனன் இயக்கத்தில் தனுஷ் நடித்துள்ள எனை நோக்கி பாயும் தோட்டா திரைப்படம் வெளியாகும் என செய்திகள் வந்தன. ஆனால் ஒரு சில காரணங்களால் தீபாவளி ரேஸில் இருந்து தனுஷின்  என்னை நோக்கி பாயும் தோட்டா படம் விலகியதாக நம்பத்தகுந்த தகவல்கள் வெளியாகியுள்ளன. இதனால் சர்கார், பில்லா பாண்டி, திமிரு புடிச்சவன் ஆகிய படங்கள் தீபாவளிக்கு வெளியாவது தற்போது உறுதியாகியுள்ளது.