"குட் நைட் பட நடிகைக்கு விரைவில் திருமணம்!" கியூட்டான நிச்சயதார்த்த புகைப்படங்கள்!

2022ம் ஆண்டு ஆடு தர்புகா சிவா இயக்கிய "முதல் நீ முடிவும் நீ" என்ற திரைப்படம் மூலம் தமிழ் சினிமாவில் அறிமுகமானவர் மீதா ரகுநாத். இதையடுத்து மணிகண்டன், ரமேஷ் திலக் ஆகியோர் நடித்த "குட் நைட்" படத்தில் நடித்திருந்தார்.

இந்த இரண்டு படங்களில் நடித்துள்ள மீதா ரகுநாத்திற்கு இவரது இரண்டாவது படமான குட் நைட் மிக சிறப்பாக அமைந்தது. தூக்கம், குறட்டை என சாதாரண விஷயங்களை கதைக்களமாக கொண்டு எடுக்கப்பட்ட குட் நைட் திரைப்படத்தில் மீதாவின் யதார்த்த நடிப்பு அனைவரையும் கவர்ந்தது.

குறட்டை பிரச்சனையால் அவதிப்படும் இளைஞனுக்கு தோள் கொடுக்கும் கதாப்பாத்திரத்தில் நடித்து அசத்தியிருந்தார் மீதா ரகுநாத். இந்நிலையில் இவருக்கு திருமணம் நிச்சயிக்கப்பட்டுள்ளது. நேற்று நிச்சயதார்த்தம் நடந்த நிலையில், விரைவில் திருமணம் என்ற தகவல் வெளியாகியுள்ளது.

இந்நிலையில், வருங்காலக் கணவருடன் மீதா எடுத்துக்கொண்ட புகைப்படங்கள் சமூக வலைதளங்களில் தற்போது வைரலாகி வருகின்றன. இதைப் பார்த்த ரசிகர்கள் அவருக்கு வாழ்த்து தெரிவித்து வருவதோடு, இரண்டு படங்களில் மட்டுமே நடித்துள்ள மீதா மீண்டும் நடிக்க வேண்டும் என்றும் கூறிவருகின்றனர்.