தறிகெட்டு இயங்கி சுவரில் மோதி நின்ற பேருந்து.. பதைபதைப்பு காட்சிகள்..!

கட்டுப்பாட்டை இழந்த தனியார் பேருந்து, வீட்டின் மதில் சுவரில் மோதி விபத்துக்குள்ளான சிசிடிவி காட்சிகள் வெளியாகி பரபரப்பை ஏற்படுத்தியுள்ளது.

கேரள மாநிலத்தில் உள்ள பம்பாடு வழியாக வண்டியூர் நோக்கி தனியார் பேருந்து ஒன்று சென்று கொண்டிருந்தது. அப்போது அம்பலப்பட்டி அருகாமையில் சாலை வளைவில் திரும்பும் போது, கட்டுப்பாட்டை இழந்த பேருந்து, வீட்டின் மதில் சுவரில் மோதி நின்றுள்ளது. 

இதில் பேருந்தின் முன்பக்கம் சேதமடைந்த நிலையில், பேருந்தில் பயணித்த 5 பேர் படுகாயம் அடைந்துள்ளனர். இதனை அடுத்து அவர்களை மீட்ட அருகிலிருந்தவர்கள், மலப்புரம் மருத்துவமனையில் அனுமதித்துள்ளனர். 

பின் இந்த விஷயம் தொடர்பாக காவல் துறையினருக்கு தகவல் தெரிவிக்கப்பட்டதையடுத்து, சம்பவ இடத்திற்கு விரைந்த காவல்துறையினர் வழக்குப்பதிவு செய்து தலைமறைவான ஓட்டுநரை தேடி வருகின்றனர்.