2-வது அலையை விட 2 மடங்கு அதிகமானோர் 3-வது அலையில் பாதிக்கப்படுவார்கள்.! மகாராஷ்டிரா நிபுணர் குழு எச்சரிக்கை.!

நாடு முழுவதும் கொரோனா இரண்டாவது அலை அதித்தீவிரமாக பரவி வருகிறது. கொரோனாவை கட்டுப்படுத்த மத்திய மாநில அரசுகள் பல்வேறு தடுப்பு நடவடிக்கைகளை மேற்கொண்டு வரும்நிலையில், இந்தியாவில் தற்போது கொரோனாவின் 2-வது அலை குறைந்துவருகிறது.

இந்தியாவிலேயே கொரோனா பாதிப்பு மகாராஷ்டிரா மாநிலத்தில்தான் மிக மோசமாக இருந்தது. தற்போது அங்கு 2-வது அலை பாதிப்பு குறைந்து வருகிறது. ஆனாலும் 3-வது அலை விரைவில் தாக்கும் என மருத்துவ நிபுணர்கள் கூறியுள்ள நிலையில், இதுதொடர்பாக முதலமைச்சர் உத்தவ்தாக்கரே மகாராஷ்டிரா மாநில மருத்துவ கட்டுப்பாட்டு குழுவினருடன் ஆலோசனை மேற்கொண்டார்.

ஆய்வில் மகாராஷ்டிரா மாநிலத்தில் இன்னும் 2 அல்லது 4 வாரத்திற்குள் கொரோனா 3-வது அலை தாக்கும். 2-வது அலையை விட இரண்டு மடங்கு அதிகம்பேர் 3-வது அலையில் பாதிக்கப்படுவார்கள். எனவே முன்எச்சரிக்கை நடவடிக்கைகளை விரிவாக மேற்கொள்ள வேண்டும் என்று தெரிவித்துள்ளனர்.

மகாரஷ்டிரா மாநிலத்தில் 2-வது அலையில் மட்டும்  40 லட்சம் பேர் பாதிக்கப்பட்டனர். முதல் அலையில் 19 லட்சம் பாதிக்கப்பட்டனர். தற்போது 3-வது அலை 2-வது அலையை விட இரு மடங்கு அதிகமாக இருக்கும் என்பதால் 80 லட்சம் பேருக்கு மேல் பாதிப்பை சந்திக்கக் கூடும் என்று எதிர்பார்க்கப்படுகிறது.