நிறைமாத கர்ப்பிணியாக செஸ் போட்டியில் ஆடி இந்திய அணிக்கு பெருமை சேர்த்த ஹரிகா துரோணவள்ளி.! என்ன குழந்தை பிறந்துள்ளது தெரியுமா.?

மாமல்லபுரத்தில் உள்ள பூஞ்சேரி கிராமத்தில் கடந்த மாதம் சர்வதேச செஸ் ஒலிம்பியாட் , செஸ் ஒலிம்பியாட் போட்டிகள் நடைபெற்றன. இதில் 187 நாடுகளை சேர்ந்த 2 ஆயிரத்திற்கும் மேற்பட்ட வீரர், வீராங்கனைகள் பங்கேற்கிறார்கள். இந்திய அணியில் ஆந்திர மாநிலத்தைச் சேர்ந்த செஸ் வீராங்கணை ஹரிகா துரோணவள்ளி பங்கேற்று விளையாடினார்.

உலக தரவரிசையில் ஹரிகா 11-வது இடத்தில் உள்ள ஹரிகாவுக்கு 2008-ல் மத்திய அரசு அர்ஜூனா விருது வழங்கி கவுரவித்தது. இவர் 2011- ல் நடந்த செஸ் போட்டியில் கிராண்ட் மாஸ்டர் பட்டம் பெற்றுள்ளார். இவருக்கு 2019-ல் பத்மஸ்ரீ விருது வழங்கப்பட்டது. இந்நிலையில், சென்னையில் நடந்த செஸ் ஒலிம்பியாட்டில் ஹரிகா நிறைமாத கர்ப்பிணியாக இருந்தார்.

செஸ் ஆடிய போது நாற்காலியில் அமரவும் முடியாமல், நீண்ட நேரம் நிற்கவும் முடியாமல் அவர் சிரமப்பட்டார். சிரமத்தையும் பொருட்படுத்தாமல் சிறப்பாக ஆடிய அவர், இந்திய ஏ அணி வெண்கல பதக்கம் வெல்ல முக்கிய காரணமாக திகழ்ந்தார். இந்நிலையில் ஹரிகா துரோணவள்ளிக்கு தற்போது பெண் குழந்தை பிறந்துள்ளதாக தெரிவிக்கப்பட்டுள்ளது.