இந்த ராசிக்காரர் உங்க கேர்ள் ஃபிரண்டா.? அப்போ நீங்க செம்ம லக்கி மேன்.!

நேர்மையான காதல் ராசி

ஜோதிட சாஸ்திரத்தை நம்புபவர்கள் ஒருவர் பிறக்கின்ற ராசிக்கும், அவருடைய எதிர்காலத்திற்கும் அதிக தொடர்புகள் இருப்பதாக நம்புகின்றனர். அந்த வகையில், சில ராசியைச் சேர்ந்த பெண்கள் தங்களது காதல் மற்றும் கணவர் விஷயத்தில் அவர்களது நம்பிக்கைக்கு பாத்திரமாக விளங்குவார்கள் என்றும், மிகவும் நேர்மையாகவும் உண்மையாகவும் நடந்து கொள்வார்கள் என்றும் ஜோதிடத்தின் அடிப்படையில் கணிக்கப்பட்டுள்ளது. அவர்கள் எந்த ராசியினர் என்பது பற்றி பார்க்கலாம்.

கடகராசி

கடக ராசி பெண்கள் மிகவும் உணர்ச்சிவசப்படக் கூடியவர்களாக இருப்பார்கள். அவ்வளவு சீக்கிரத்தில் இந்த பெண்களை காதலில் விழ வைக்க முடியாது. ஒருவேளை இவர்கள் காதலிக்க துவங்கிவிட்டால் இவர்களது காதல் நேர்மையானதாக இருக்கும். இந்த ராசி பெண்கள் மற்றவர்கள் கஷ்டப்படுவதை தாங்கிக்கொள்ள முடியாத மனம் படைத்தவர்கள். எனவே, தங்களது காதலர் விஷயத்தில் மிகவும் விசுவாசியாக அவர்கள் இருப்பார்கள்.

ரிஷபராசி

ரிஷப ராசி பெண்கள் காதல் விஷயத்தில் தங்கள் துணையை கட்டுப்படுத்த வேண்டும் என நினைப்பவர்கள். இதனால் இவர்கள் தங்கள் துணைக்கு உண்மையாகவும், நேர்மையாகவும் இருந்து அவர்களையும் அது போல இருக்க வேண்டும் என்று நினைப்பார்கள். மேலும், இவர்கள் கடவுள் பக்தி கொண்டவர்களாக இருப்பார்கள். எனவே, தங்களது துணைக்கு எப்போதும் துரோகம் செய்ய கூடாது என்று மனதார நினைப்பார்கள். இந்த பெண்களை காதலியாக கொண்டவர்கள் அதிர்ஷ்டசாலிகள்.

விருச்சிக ராசி

விருச்சிக ராசி பெண்கள் விசுவாசமான அதே சமயம் நேர்மையான பெண்களாகவும் இவர்கள் இருப்பார்கள். தங்கள் துணையை அடக்கி ஆள வேண்டும் என்ற மனப்பான்மை கொண்டவராக இருந்தாலும் மிக ஆழமான அன்பை அவர்கள் மீது செலுத்தக் கூடியவர்கள். இவர்கள் காதலிப்பவரை எந்த நிலையிலும் விட்டுக் கொடுக்கவே மாட்டார்கள்.

கன்னிராசி

கன்னி ராசி பெண்கள் மிகவும் விசுவாசம் மிக்கவர்கள். இவர்களுக்கு தங்கள் துணை மட்டுமல்ல யாருக்குமே நம்பிக்கை துரோகம் செய்ய தோன்றாதவர்கள். நேர்மை மற்றும் நம்பகத்தன்மையின் மறு உருவமாக இவர்கள் இருக்கிறார்கள். இந்த பெண்களை காதலியாக பெற்ற ஆண்கள் தங்களது வாழ்நாள் முழுவதும் நிம்மதியுடன் இருக்கலாம்.