9 மணிநேர போராட்டம்; ஆழ்துளைக்கிணற்றில் தவறி விழுந்த 2 வயது சிறுமி உயிருடன் மீட்பு..! 

குஜராத் மாநிலத்தில் உள்ள ஜாம்நகர் மாவட்டம், கோவணா கிராமத்தில் வசித்து வரும் 2 வயதுடைய சிறுமி, கைவிடப்பட்ட ஆழ்துளை கிணற்றில் தவறி விழுந்துள்ளது. 

நேற்று மாலை 06:30 மணியளவில் இந்த சம்பவம் நடைபெற்ற நிலையில், தகவல் அறிந்த காவல் துறையினர் மற்றும் மீட்பு படையினர் கிட்டத்தட்ட 9 மணிநேரம் போராடி சிறுமியை பத்திரமாக மீட்டனர். 

உயிருடன் மீட்கப்பட்ட சிறுமி அங்குள்ள மருத்துவமனையில் சிகிச்சைக்காக அனுமதி செய்யப்பட்டுள்ளார். அவருக்கு மருத்துவர்கள் சிகிச்சை அளித்து வருகின்றனர். 

தேசிய மீட்பு படையினரும் நிகழ்விடத்தில் தேவையான நடவடிக்கையை துரிதமாக மேற்கொண்டதால், சிறுமி உயிருடன் மீட்கப்பட்டு இருக்கிறார்.