உ.பி. விமான நிலையத்தில் 12 அடி உயர கடவுள் லட்சுமணன் சிலை... முதலமைச்சர் யோகி ஆதித்யநாத் திறந்து வைத்தார்...!

12 அடி உயர கடவுள் லட்சுமணன் சிலையை உத்தரபிரதேச முதலமைச்சர் யோகி ஆதித்யநாத் விமான நிலையத்தில் திறந்துவைத்தார். 

உத்திரபிரதேச அரசு, ஜி20 மாநாடு மற்றும் சர்வதேச முதலீட்டாளர்கள் மாநாட்டிற்காக தயாராகி வருகிறது. அதன் ஒரு பகுதியாக லக்னோ விமான நிலையத்தையும், பிரதான சாலையையும் இணைக்கும் மேம்பாலம், விமான நிலையத்தை சுற்றிலும் அழகுபடுத்தும் திட்டங்களை உத்தரபிரதேச முதலமைச்சர் யோகி ஆதித்யநாத் நேற்று திறந்துவைத்தார்.

விமான நிலையத்தை சுற்றிலும் அழகுபடுத்தும் திட்டத்தில் விமான நிலையத்திற்கு வெளியே இந்து மத கடவுள் லட்சுமணனின் 12 அடி உயர சிலை நிறுவப்பட்டுள்ளது. 

அந்த சிலையை உத்திர பிரதேச முதலமைச்சர் யோகி ஆதித்யநாத் திறந்துவைத்தார். இந்த நிகழ்ச்சியில் லக்னோ தொகுதி எம்.பி.யான மத்திய பாதுகாப்புத்துறை அமைச்சர் ராஜ்நாத்சிங்கும் பங்கேற்றார்.