கமலின் இந்தியன் 2 படத்தில் இணைந்த முன்னணி நடிகர்! யார் தெரியுமா?

2 . 0 வெற்றியை தொடர்ந்து இந்தியன் 2 படத்தை இயக்கி வருகிறார் பிரமாண்ட இயக்குனர் சங்கர். இந்தியன் 2 படத்தை லைகா நிறுவனம் தயாரிக்கிறது. ஏற்கனவே படத்தின் படப்பிடிப்பு தொடங்கிவிட்டது. இந்நிலையில் சென்னையில் சில முக்கிய காட்சிகள் படமாக்கப்பட்ட உள்ளதாகவும், அதனை தொடர்ந்து படக்குழு படப்பிடிப்பிற்காக வெளிநாட்டு செல்ல உள்ளதாகவும் கூறப்படுகிறது.

படத்தில் கமல் கதாநாயகனாக நடிக்கிறார். ஏற்கனவே இந்தியன் படம் மாபெரும் வெற்றிபெற்றதால் இந்தியன் 2 படம் மீதான எதிர்பார்ப்பு ரசிகர்கள் மத்தியில் அதிகம் எழுந்துள்ளது.

படத்தில் காஜல் அகர்வால் முக்கிய கதாபாத்திரத்தில் நடிக்க உள்ளதாக ஏற்கனவே அறிவிக்கப்பட்டிருந்தது. இந்நிலையில் பிரபல நடிகர் RJ பாலாஜியும் இந்தியன் 2 படத்தில் நடிக்கவுள்ளதாக தகவல்கள் வெளியாகியுள்ளது.

RJ பாலாஜி நடித்திருக்கும் LKG படம் விரைவில் திரைக்கு வர உள்ள நிலையில் தற்போது இந்தியன் 2 வில் அவர் நடிக்க இருப்பது அவரது ரசிகர்கள் மத்தியில் மகிழ்ச்சியை ஏற்படுத்தியுள்ளது.