அட நம்ம வாணி போஜனுக்கு இப்படியொரு நிலைமையா.? நேர்காணலில் புலம்பித் தள்ளிய வாணி போஜன்..

சின்னத்திரையில் பிரபலமாக ஒளிபரப்பப்பட்ட சீரியல்களில் ஒன்றான 'தெய்வமகள்' சீரியலில் முக்கியமான கதாபாத்திரத்தில் நடித்தவர்தான் வாணி போஜன். இந்த சீரியலின் மூலம் தான் ரசிகர்களின் மனதில் இடம் பிடித்தார்.

இதன் பிறகு சின்ன திரையில் ஒரு சில சீரியல்களில் நடித்து தனது நடிப்பு திறமையால் சின்னத்திரையிலிருந்து வெள்ளி திரைக்கு கதாநாயகியாக காலடியெடுத்து வைத்தார். மேலும் ஒரு சில வெப் சீரியஸ்களிலும் நடித்து வருகிறார் வாணி போஜன்.

தற்போது 'பகைவனுக்கு அருள்வாய்' எனும் திரைப்படத்தில் நடித்திருக்கும் வாணி போஜன், சமீபத்தில் ஒரு பேட்டியில் கலந்து கொண்டார். அப்பேட்டில் தனது இன்ஸ்டாகிராம் பக்கத்தில் பதிவிட்ட  புகைப்படத்தில் நெட்டிசன்கள் பதிவிடும் கமெண்ட்டை குறித்து புலம்பியிருக்கிறார்.

அவர் கூறியதாவது, "நான் சீரியல்களில் நடிக்கும் போதே யூட்யூபில் என்னை பற்றி ஒரு சில வீடியோக்கள் பார்ப்பேன். அதை பெரிதாக கண்டுகொள்ள மாட்டேன். ஆனால் தற்போது வரும் கமெண்ட்களை பார்க்கும்போது வருத்தமாக இருக்கிறது. இவ்வளவு தப்பா கமெண்ட் பண்ணுவாங்களான்னு யோசிக்கிறேன்" என்று மனம் வருந்தி பேசியிருக்கிறார்