வாயில் வைத்ததும் கரையும் சுவையில் பீட்ரூட் அல்வா..! ரத்தத்தை அதிகரிக்கும் சத்தான இனிப்பு.!

பீட்ரூட்டில் கலோரிகள் குறைவு என்பதால் உடல் எடையை குறைக்க விரும்புபவர்கள் பீட்ரூட்டை உணவில் சேர்த்துக் கொள்ளலாம். இப்போது சுவை மிகுந்த பீட்ரூட் அல்வா எப்படி செய்வது என்று இந்த பதிவில் பார்க்கலாம்.

தேவையானப் பொருட்கள் :

நெய் - 7 தேக்கரண்டி 

ஏலக்காய் - 4 ( பொடியாக்கியது )

பீட்ரூட் - 1/4 கிலோ ( துருவியது )

பால் - 1 கப் 

முத்திரிப்பருப்பு - 10

உலர் திராட்சை - 10

சர்க்கரை - 1/4 கிலோ 

செய்முறை :

முதலில் அடுப்பைப் பற்ற வைத்து ஒரு வாணலியை வைக்கவும். அதில், 3 தேக்கரண்டி நெய் சேர்த்து மிதமான தீயில் 10 முந்திரிப்பருப்பு மற்றும் 10 உலர் திராட்சை சேர்த்து வறுத்து தனியாக எடுத்து வைத்துக் கொள்ளவும். 

இப்போது, அதே வாணலியில் துருவிய பீட்ரூட்டை சேர்த்து பச்சை வாசனை நீங்க வதக்கிக் கொள்ளவும். பின்பு, 1 கப் பால் மற்றும் 1/4 கிலோ சர்க்கரை சேர்த்து நன்றாக கிளற வேண்டும்.

பால் அளவு குறைந்து கெட்டி பதம் வந்தவுடன் மீதம் இருக்கும் நெய் சேர்த்துக் கொள்ளவும். இறுதியில், ஏலக்காய் பொடி, வறுத்த முந்திரிப்பருப்பு, திராட்சை சேர்த்து இறக்கி விடவும். சுவையான பீட்ரூட் அல்வா தயார்.