மதுரை ஸ்டைல் தண்ணி சட்னி..! திரும்ப திரும்ப கேட்டு வாங்கி சாப்பிடுவாங்க.!

சட்னி வகைகளில் தேங்காய் சட்னி, கார சட்னி, புதினா சட்னி, வேர்க்கடலை சட்னி என பல வகை உண்டு. இப்போது, வித்தியாசமான முறையில் மதுரை ஸ்டைல் தண்ணி சட்னி எப்படி செய்வது என்று இந்த பதிவில் பார்க்கலாம்.

தேவையானப் பொருட்கள் :

பெரிய வெங்காயம் - 2 (நறுக்கியது),

பச்சை மிளகாய் - 2,

காய்ந்த மிளகாய் - 6,

பொட்டுக்கடலை - 1 கப், 

உப்பு - தேவையான அளவு,

நல்லெண்ணெய் - 5 தேக்கரண்டி,

கடுகு - 1/2 தேக்கரண்டி,

வெள்ளை உளுந்து - 1/2 தேக்கரண்டி,

சின்ன சீரகம் - 1/2 தேக்கரண்டி, 

பூண்டு - 10 பல்,

தண்ணீர் - தேவையான அளவு, 

கறிவேப்பிலை - 1 கொத்து.

செய்முறை :

முதலில் அடுப்பைப் பற்ற வைத்து அதில் ஒரு வாணலியை வைக்கவும். பிறகு அதில், 3 தேக்கரண்டி நல்லெண்ணெய் சேர்த்து சூடானதும் 10 பல் பூண்டு, 2 பச்சை மிளகாய், 4 காய்ந்த மிளகாய், 2 பெரிய வெங்காயம் (நறுக்கியது) சேர்த்து நன்றாக வதக்க வேண்டும். வெங்காயம் கண்ணாடி பதத்திற்கு வந்ததும் இறக்கி ஆற வைக்கவும். 

இதையும் படிங்க: உடல் எடையை ஈஸியா குறைக்கணுமா? அப்போ இந்த காய்கறிகளை சாப்பிடுவதால் உடம்பில் நடக்கும் அதிசயம் பாருங்க.....

பிறகு, இதனுடன் 1 கப் பொட்டுக்கடலை, தேவையான அளவு உப்பு சேர்த்து ஒரு மிக்சி கப்பில் இவைகளை சேர்த்து நன்றாக அரைக்கவும். போதிய அளவு தண்ணீர் சேர்த்து தண்ணீர் பதத்திற்கு மீண்டும் ஒரு முறை நன்றாக அரைத்து எடுத்துக் கொள்ளவும். பிறகு, அதே வாணலியில் 2 தேக்கரண்டி நல்லெண்ணெய் சேர்த்து சூடானதும், 1/2 தேக்கரண்டி கடுகு, 1/2 தேக்கரண்டி வெள்ளை உளுந்து, 2 காய்ந்த மிளகாய், கறிவேப்பிலை 1 கொத்து மற்றும் 1/2 தேக்கரண்டி சின்ன சீரகம் சேர்த்து பொரிந்ததும் தாளித்து விட வேண்டும். 

இப்போது, மதுரை ஸ்டைல் தண்ணி சட்னி தயார். சூடான இட்லி, தோசையுடன் இந்த சட்னியை சேர்த்து சாப்பிட்டால் சுவை அருமையாக இருக்கும்.

இதையும் படிங்க: வீட்டில் அடிக்கடி சண்டையா? மனஅமைதியை பெற்று உங்கள் வாழ்க்கையில் சந்தோசம் பொங்கணுமா ! அப்போ இதெல்லாம் பண்ணுங்க.....