சென்னையில் கோஷ்டி மோதலில் ஆட்டோ டிரைவர் ஓட ஓட விரட்டி கொலை... 8 பேர் கைது.!

ரவுடி கும்பலுக்குள் ஏற்பட்ட தகராறில் ஆட்டோ ஓட்டுநர் ஓட ஓட விரட்டி வெட்டி படுகொலை செய்யப்பட்ட சம்பவம் சென்னையில் அதிர்ச்சியையும் பதற்றத்தையும் ஏற்படுத்தி இருக்கிறது. இது தொடர்பாக கைது செய்யப்பட்ட இருவரிடமும் காவல்துறை தீவிரமாக விசாரணை நடத்தி வருகின்றனர்.

சென்னை வேளச்சேரி நேரு பகுதியைச் சேர்ந்தவர் தினேஷ்(25) ஆட்டோ ஓட்டுனரான இவர்  கிண்டி மடுவாங்கரை  அருகே சென்று கொண்டிருந்தபோது ஆறு பேர் கொண்ட கும்பல் இவரை பட்டாக்கத்தியுடன் வழிமறித்து கொலை செய்ய முயற்சித்தது. அப்போது அவர்களிடமிருந்து தப்பி ஓடிய தினேஷ் அருகில் இருந்த சூப்பர் மார்க்கெட்  கடையில் நுழைந்தார். சூப்பர் மார்க்கெட் உள்ளவரை துரத்திச் சென்ற கும்பல்  அங்கிருந்த மக்களை கத்தியை காட்டி மிரட்டி வெளியேற்றியது.

இதனைத் தொடர்ந்து கடையிலிருந்து வெளியேறிய உரிமையாளர்  கடையின் ஷட்டரை மூடி விட்டு காவல் துறைக்கு தகவல் கொடுத்தார். இதனைத் தொடர்ந்து சம்பவ இடத்திற்கு வந்த காவல்துறையினர் ஷட்டரை திறந்தபோது  இரண்டு பேர் கத்தியுடன் வந்து ஆட்டோ டிரைவர் தினத்தை நாங்கள் தான் கொலை செய்தோம் என சரணடைந்தனர். அவர்களை கைது செய்த காவல் துறையினர் சூப்பர் மார்க்கெட் ரத்த வெள்ளத்தில் பிணமாக கிடந்த தினேஷின் உடலை  கைப்பற்றி பிரத பரிசோதனைக்காக அனுப்பி வைத்தனர்.

மேலும் இந்த சம்பவம் தொடர்பாக நடத்தப்பட்ட விசாரணையில் கோஷ்டி மோதல் காரணமாக இந்த கொலை சம்பவம் நடந்திருப்பதாக காவல்துறை தெரிவித்து இருக்கிறது. மேலும் இந்த கொலை சம்பவம் தொடர்பாக சீசி மணிகண்டன் மற்றும் உதய்,காமேஷ், ஈஸ்வர், வசந்த், தினேஷ் ஆகியோரையும் காவல் துறையினர் கைது செய்தனர்.