இட்லி மீந்துவிட்டாதா?... சுவையான முட்டை கொத்து இட்லி செய்வது எப்படி??..!

இனி காலையில் செய்த இட்லி மீந்துவிட்டது என கவலைப்பட வேண்டிய அவசியமே இல்லை. இட்லியை வைத்து ஈசியாக முட்டை கொத்து இட்லி ரெசிபி நொடியில் தயாராகிவிடும்.

தேவையான பொருட்கள் :

எண்ணெய் - 3 தேக்கரண்டி
முட்டை - 3
உப்பு - தேவைக்கேற்ப
கருவேப்பிலை, கொத்தமல்லி - சிறிதளவு
பச்சை மிளகாய் - 3
இஞ்சி, பூண்டு விழுது - 1/2 தேக்கரண்டி
கரம் மசாலா - 1/2 தேக்கரண்டி
வெங்காயம் - 2
தக்காளி - 1
தனியாத்தூள் - 1/2 தேக்கரண்டி
சோம்பு - 1/2 தேக்கரண்டி
மிளகாய்த்தூள் - 1/2 தேக்கரண்டி
மஞ்சள்தூள் - 1/4 தேக்கரண்டி
மிளகுபொடி - 1/2 தேக்கரண்டி

செய்முறை :

★முதலில் இட்லியை சிறிது, சிறிதாக உதிர்த்து வைத்துக் கொள்ள வேண்டும். பின் வெங்காயம், கொத்தமல்லி, தக்காளி, பச்சைமிளகாயை பொடியாக நறுக்கி வைத்துக் கொள்ளவும்.

★அடுத்து ஒரு கடாயை அடுப்பில் வைத்து, எண்ணெய் ஊற்றி சூடானதும் சோம்பு போட்டு தாளிக்க வேண்டும். பின் நறுக்கி வைத்த வெங்காயம், பச்சைமிளகாய் சேர்த்து வதக்க வேண்டும்.

★வெங்காயம் சற்று வதங்கியதும், இஞ்சி பூண்டு, விழுதை சேர்த்து பச்சை வாசனை போகும் வரை தக்காளி சேர்த்து வதக்க வேண்டும்.

★பின் மிளகாய்தூள், தனியாதூள், மஞ்சள்தூள், மிளகு தூள், கரம் மசாலா ஆகியவற்றை சேர்த்து பச்சை வாசனை போகும் வரை வதக்கவும்.

★தொடர்ந்து அதில் முட்டையை உடைத்து ஊற்றி உதிர்ந்து வரும் வரை வதக்க வேண்டும். பின் அதனுடன் இட்லியை சேர்த்து, சிறிதளவு உப்பு சேர்த்து தீயில் ஐந்து நிமிடங்களுக்கு பிரட்டினால் சுவையான முட்டை கொத்து இட்லி தயாராகிவிடும்.