என் ஆசைக்கு இணங்காவிட்டால் உன் தாய், தந்தையை கொன்று விடுவேன் என மிரட்டி 15 வயது சிறுமியை தொடர் பாலியல் பலாத்காரம் செய்த இளைஞர்... சென்னை அருகே பரபரப்பு!!

சென்னை குரோம்பேட்டை பகுதியை சேர்ந்தவர் 22 வயதான விக்கி என்ற இளைஞர். இவர் அதே பகுதியில் 10 வகுப்பு படித்து வந்த சிறுமியை மிரட்டி தனது நண்பரின் வீட்டிற்கு அழைத்து சென்றுள்ளார். அங்கு சென்றதும் மயக்க மருந்து கலந்து கொடுத்து சிறுமியை பாலியல் பலாத்காரம் செய்துள்ளார். சிறுமி கண் விழித்ததும் நடந்தவற்றை நினைத்து அழுதுள்ளார். விக்கி இது பற்றி யாரிடமும் சொல்ல கூடாது என மிரட்டி சிறுமியை வீட்டிற்கு அனுப்பியாள்ளார்.

அதுமட்டுமின்றி தொடர்ந்து சிறுமிக்கு போன் செய்து என் ஆசைக்கு இணங்காமல் என்னுடன் பேசாமல் இருந்தால் உன் தாய், தந்தையை கொன்று விடுவேன் என்று கூறி மிரட்டியுள்ளார். இதனால் அச்சமடைந்த சிறுமி இது பற்றி யாரிடமும் கூறாமல் ஆசிரியர், தோழிகள் மற்றும் பெற்றோரிடம் எதுவும் பேசாமல் அமைதியாகவே இருந்து வந்துள்ளார்.

மாணவியின் நடத்தையில் ஏற்பட்ட மாற்றத்தால் அதிர்ச்சியடைந்த சிறுமியின் பெற்றோர் இது குறித்து சிறுமியிடம் கேட்டுள்ளனர். உடனே தனக்கு நிகழ்ந்த சம்பவம் குறித்து கூறி அழுதுள்ளார். உடனே இச்சம்பவம் குறித்து சேலையூர் அனைத்து காவல் நிலையத்தில் புகார் அளித்துள்ளனர்.  புகாரின் பேரில் போலீசார்  வழக்கு பதிவு செய்து விக்கியை தேடி வருகின்றனர். இந்நிகழ்வு அப்பகுதியில் பெரும் பரபரப்பை ஏற்படுத்தியுள்ளது.