காஞ்சனா படத்தில் நடித்தது என் தவறுதான் - திருநங்கை பிரியா வருத்தம்.. காரணம் என்ன தெரியுமா?.. அதிரவைக்கும் உண்மை.!

கடந்த 2011 ஆம் ஆண்டு ராகவா லாரன்ஸ் இயக்கி நடித்து வெளியான நகைச்சுவை மற்றும் திகில் கதைக்களம் கொண்ட திரைப்படம் காஞ்சனா. இந்த படம் மக்கள் மத்தியில் நல்ல வரவேற்பு பெற்றது. வசூல் ரீதியாகவும் தயாரிப்பாளர் தரப்புக்கு நல்ல வருவாயை தந்தது. 

படத்தில் ராகவா லாரன்ஸ், கோவை சரளா, ராய் லட்சுமி, தேவதர்ஷினி, ஸ்ரீமன் உட்பட பலரும் நடித்திருந்தனர். இந்த திரைப்படத்தில் முக்கிய கதாபாத்திரமாக திருநங்கை கதாபாத்திரத்தில் சரத்குமார் நடித்திருந்தார். 

இது படத்தின் வெற்றிக்கு மிகப்பெரிய உதவி செய்திருந்த நிலையில், அந்த படத்தில் சரத்குமாரின் மகளாக திருநங்கை பிரியா நடித்திருந்தார். இவர் சமீபத்தில் அளித்த பேட்டியில், காஞ்சனா படத்தில் நான் நடித்தது தவறு என கூறியுள்ளார். 

இது குறித்து அவர் கூறுகையில், "காஞ்சனா படத்தில் நான் நடித்து மிகப்பெரிய தவறு செய்து விட்டேன். காஞ்சனா படத்திற்கு முன் சாதாரண வாழ்க்கையை வாழ்ந்து வந்தேன். இந்த படத்தில் நடித்ததால் கோடி கோடியாக சம்பாதித்து விட்டேன் என பலரும் நினைக்கிறார்கள். படத்துக்கு பின் எனக்கு ஒரு பட வாய்ப்புமே கிடைக்கவில்லை. வேறு வேலையும் பார்க்க முடியவில்லை" என்று வருத்தத்துடன் தெரிவித்துள்ளார்.