சமையல் அறை மந்திரம்; அசத்தல் ஸ்மார்ட் டிப்ஸ் இதோ.!

Copy Link

சமையலில் சிறந்து விளங்க நினைக்கும் இல்லத்தரசிகள் மற்றும் பேச்சுலர்ஸ், கீழே கொடுக்கப்பட்டுள்ள சில டிப்ஸை தெரிந்துகொண்டால் உங்களுக்கு பயனாக இருக்கும்.
இஞ்சி-பூண்டு விழுது அரைக்கும்போது, மஞ்சள் தூள் மற்றும் உப்பு சேர்த்து அரைக்க நீண்ட நாட்கள் கெட்டுப்போகாது.
வாழைப்பூவை உப்பு சேர்த்த நீரில் வெட்டிவைக்க கருக்காமல் இருக்கும்.
கடல்பாசி கண்ணாடியாக இறுதியில் சில துளிகள் எலுமிச்சை சாறு சேர்க்கலாம். இதையும் படிங்க: ருசியான சுரைக்காய் வடை செய்வது எப்படி? அசத்தல் டிப்ஸ் இதோ.!
இறைச்சிகளை கழுவும்போது மஞ்சள் தூள், உப்பு, நலனே சேர்த்து கழுவ இறைச்சி வாசம் இருக்காது.
சுவீட் செய்யும்போது சிட்டிகை அளவு உப்பு சேர்க்க கூடுதல் சுவை கிடைக்கும்.
தக்காளி சட்னி சுவையாக செய்ய சிறிதளவு புளி அல்லது எலுமிச்சை சாறு சேர்க்கலாம்.
சாம்பாருக்கு துவரம்பருப்பு வேகவைக்கும்போது, நீரில் நல்லெண்ணெய் விட பொங்கிவராது.
பருப்புக்குழம்புக்கு வெங்காயத்தை நெய்யில் தாளித்து சேர்க்க சுவை நன்றாக இருக்கும்.
வத்தல், மீன் குழம்பில் இறுதியில் வெல்லம் சேர்க்க ருசி அதிகரிக்கும்..
அவசர சட்னிக்கு தேங்காய்ப்பாலில் பொட்டுக்கடலை பொடி, உப்பு சேர்த்து தாளித்து இறக்கலாம். தனி பொட்டுக்கடலையை பச்சை மிளகாய், உப்பு சேர்த்து அரைத்து, தாளித்து அவசர சட்னி செய்யலாம்.
இட்டிலி பஞ்சுபோல கிடைக்க மாவில் ஒரு ஸ்பூன் அளவில் தேங்காய் எண்ணெய் ஊற்றி, 15 நிமிடம் கழித்து இட்டிலி ஊற்றலாம்.
இதையும் படிங்க: சுவையான வாழைப்பூ வடை: செய்வது எப்படி?