ஜீரண சக்தியை அதிகரிக்கும் இஞ்சி துவையல்... வீட்டிலேயே 10 நிமிடத்தில் செய்வது எப்படி?..!

ஜீரண சக்தியை அதிகரிக்க சுவையான இஞ்சி துவையல் எவ்வாறு செய்வது என்பது பற்றி தற்போது காண்போம்.

ஜீரண சக்தியை அதிகரிப்பதற்காக இஞ்சியை உணவுடன் துவையலாக சேர்த்து உண்ணலாம். வயிற்று பிரச்சினைகளை சரிசெய்யவும் இஞ்சி மிகவும் நல்லது.

தேவையான பொருட்கள் :

நல்லெண்ணெய் - 1 தேக்கரண்டி
சிவப்பு மிளகாய் - 4 
உளுத்தம்பருப்பு - 1 தேக்கரண்டி
கருவேப்பிலை - சிறிதளவு
துருவிய தேங்காய் - கால் கப்
இஞ்சி - 100 கிராம்
வெல்லம் - சிறிதளவு
உப்பு - தேவைக்கேற்ப
புளி - 1 நெல்லிக்காய் அளவுசெய்முறை :

★முதலில் இஞ்சியை தோல் நீக்கி, சிறு சிறு துண்டுகளாக நறுக்கிக் கொள்ள வேண்டும்.

★பின் ஒரு கடாயில் நல்லெண்ணெய் ஊற்றி சூடானதும் உளுத்தம் பருப்பு போட்டு வறுத்து, காய்ந்த மிளகாய், நறுக்கிய இஞ்சி, 1 துண்டு புளி ஆகியவற்றை சேர்த்து வதக்கி இறக்க வேண்டும்.

★அனைத்தும் நன்றாக ஆறியதும் மிக்ஸியில் சேர்த்து கறிவேப்பிலை சேர்த்து, தண்ணீர் இல்லாமல் அரைக்கவேண்டும்.

★அடுத்து அதில் வெல்லம், துருவிய தேங்காய் சேர்த்து மீண்டும் அரைக்கவும்.

★பின் துவையலுக்கு தேவைக்கேற்ப சிறிதளவு தண்ணீர் சேர்த்து, உப்பு சேர்த்து அரைத்து எடுத்துக்கொள்ள வேண்டும்.

★இறுதியாக நல்லெண்ணெய் சேர்த்து கடுகு, கருவேப்பிலை போட்டு தாளித்து துவையலில் ஊற்றினால் இஞ்சி துவையல் தயாராகிவிடும்.