தண்ணீர் லாரி சக்கரத்தில் சிக்கி பயங்கரம்; 10 வயது சிறுமி பரிதாப பலி.. தாயுடன் பள்ளிசென்றபோது சோகம்.!

சென்னையில் உள்ள கோவிலம்பாக்கம் பகுதியை சேர்ந்த பெண்மணி கீர்த்தி. இவரின் மகள் லியோரா ஸ்ரீ (வயது 10). இன்று கீர்த்தி தனது மகளை பள்ளியில் கொண்டு சென்று விட, தங்களின் இருசக்கர வாகனத்தில் பயணம் செய்துள்ளார். 

அப்போது, போக்குவரத்து நெரிசல் கடுமையாக இருந்ததால், வாகனங்கள் ஊர்ந்து சென்றுள்ளன. போக்குவரத்து நெரிசல் சீரான நேரத்தில், வாகனத்தில் இருந்து நிலைதடுமாறி இருவரும் விழுந்துள்ளனர். 

அப்போது, பின்னால் வந்துகொண்டு இருந்த தண்ணீர் லாரியின் சக்கரத்தில் சிக்கி, சிறுமி லியோரா ஸ்ரீ பரிதாபமாக பலியாகினர். விபத்து ஏற்பட்டதும் லாரி ஓட்டுநர் அங்கிருந்து தப்பி சென்றார். 

இந்த விபத்து குறித்து தகவல் அறிந்த காவல் துறையினர், சிறுமியின் உடலை மீட்டு பிரேத பரிசோதனைக்காக அனுப்பி வைத்தனர். தாயின் கண்முன்னே சிறுமி உயிரிழந்தது பெரும் சோகத்தை ஏற்படுத்தியது.