துணிகரம்... ஹாஸ்டலில் பெண்கள் குளிப்பதை வீடியோ எடுத்த இளைஞர்... கையும் களவுமாக பிடித்த பொதுமக்கள்.!

கர்நாடக மாநிலம் பெங்களூருவில்  பெண்கள் குளிப்பதை ரகசியமாக வீடியோ எடுத்து வந்த  இளைஞர் கைது செய்யப்பட்டு இருக்கும் விவகாரம் பதற்றத்தை ஏற்படுத்தி இருக்கிறது. இது தொடர்பாக அவரிடம் காவல்துறை தீவிரமாக விசாரணை நடத்தி வருகிறது.

பெங்களூருவைச் சேர்ந்த அசோக் என்ற இளைஞர் மகாதேவ்புராவில்  உள்ள ஆண்கள் தங்கும் விடுதியில் வந்துள்ளார். இந்தப் பகுதியில் ஆண்கள் விடுதிக்கு அருகே பெண்கள் விடுதியும் இருந்திருக்கிறது. இரண்டு விடுதிகளுக்கும் இடையே இருக்கும் சிறிய துளையை பயன்படுத்தி அங்கு பெண்கள் குளிப்பதை தனது செல்போன் மூலம் படம் பிடித்திருக்கிறார்.

கடந்த ஜூன் 21 ஆம் தேதி வழக்கம்போல அசோக் தனது செல்போனில் பெண்கள் குளிப்பதை வீடியோ எடுத்திருக்கிறார். இதனைக் கண்ட பொதுமக்கள் அவரை கையும் களவுமாக பிடித்து காவல்துறையிடம் ஒப்படைத்தனர். இதனைத் தொடர்ந்து காவல்துறையினர் அசோக்கின் செல்போனை  சோதனை செய்து பார்த்ததில்  ஏழு வீடியோக்கள் இருப்பதை கண்டு அதிர்ச்சி அடைந்தனர். இது தொடர்பாக நடத்தப்பட்ட விசாரணையில்  இந்த வீடியோக்கள் அனைத்தும் கடந்த நான்கு மாதங்களில் பதிவு செய்யப்பட்டது என காவல்துறையிடம் தெரிவித்திருக்கிறார்.

இதனைத் தொடர்ந்து அசோக் மீது 354 சி  பிரிவின் கீழ் வழக்கு பதிவு செய்த காவல்துறை அவரை சிறையில் அடைத்தது. மேலும் அவர் வீடியோ மட்டும் தான் எடுத்தாரா இல்லை அதை வைத்து பெண்களை மிரட்டி வருகிறாரா என்ற கோணத்திலும் விசாரணை நடைபெற்று வருகிறது.