கள்ளகாதலியின் மகளுக்கு பாலியல் தொந்தரவு கொடுத்த காவல் உதவி ஆய்வாளர் கைது.!

கோவையில்  கள்ளக்காதலி மகளுக்கு பாலியல் தொந்தரவு கொடுத்த வழக்கில் துடியலூர் காவல் நிலைய உதவி ஆய்வாளர் கைது செய்யப்பட்டுள்ளார்.

கோவை மாவட்டம் கவுண்டம்பாளையம் பகுதியை சேர்ந்த துரைராஜ். இவர் துடியலூர் காவல் நிலையத்தில் சிறப்பு உதவி ஆய்வாளராக வேலை செய்து வருகிறார். இந்த நிலையில் இவருக்கும் அதே பகுதியை சேர்ந்த பெண் ஒருவருக்கும் தகாத உறவு இருந்து வந்துள்ளது.

இந்த நிலையில் அந்த பெண் இல்லாத நேரத்தில் அவரின் 17 வயது மற்றும் 19 வயதை மகளை பாலியல் ரீதியாக உதவி ஆய்வாளர் துரைராஜ் துன்புறுத்தி வந்துள்ளார். இதனிடையே சிறுமிகள் இருவரும் வீட்டை விட்டு வெளியேறினர். தனது மகள்கள் காணாமல் போனது குறித்து அவரது தாய் மகளிர் காவல் நிலையத்தில் புகார் அளித்துள்ளார்.

அந்த புகாரின் அடிப்படையில் வழக்கு பதிவு செய்த போலீசார் தீவிர விசாரணை மேற்கொண்டதில், துரைராஜ் அந்த சிறுமிகள் இருவரையும் பாலியல் ரீதியாக துன்புறுத்தியது தெரிய வந்தது. அதன் காரணமாகத்தான் சிறுமிகள் வீட்டை விட்டு வெளியேறுவதாகவும் தெரிவித்துள்ளனர். இதனையடுத்து உடனடியாக காவல் உதவி ஆய்வாளர் துரைராஜ் மீது போக்சோ சட்டத்தின் கீழ் வழக்கு பதிவு செய்த போலீசார் அவரை கைது செய்தனர்.