'சனாதன மறுப்பு என்பது கடவுள் மறுப்பு அல்ல" உதயாவின் கருத்துக்கு வழிமொழிந்த காங்கிரஸ் தலைவர்!!

சனாதனம் குறித்த எதிர்ப்பு மற்றும் ஆதரவு பேச்சுகள் தான் இன்று இந்திய முழுவதும் அரசியல் பிரமுகர்களால் பேசப்பட்டும், விமர்சனத்துக்கும் உள்ளாகியும் உள்ளது. 

இந்த நிலையில், நெல்லையில் செய்தியாளர்களை சந்தித்து பேசிய தமிழ்நாடு காங்கிரஸ் கமிட்டி தலைவர் கேஸ் அழகிரி அவர் இது குறித்து கூறியதாவது:-

"சனாதனம் குறித்து அமைச்சர் உதயநிதி ஸ்டாலின் கூறிய கருத்தில் நியாயம் உள்ளது. பெண்களை உடன்கட்டை ஏற செய்ததுதான் சனாதனம். தமிழ் மண் இதையெல்லாம் போராடி வென்ற மண்.

காங்கிரஸ் மற்றும் திமுக இந்துகளுக்கு எதிராக பேசுவதுபோல் மத்திய அமைச்ச அமித் ஷா கூறுகிறார். நாங்களும் இந்து மதத்தை சேர்ந்தவர்கள் தான். கடவுள் மறுப்பு வேறு; மதத்தில் உள்ள மூடநம்பிக்கைகளை அகற்ற சொல்வது என்பது வேறு என்று கூறியவர், சனாதன மறுப்பு என்பது கடவுள் மறுப்பு அல்ல என்று தெரிவித்துள்ளார்.